NG Kerk Eros Preke

Sondag 30 September 2018

Psalm 23:1-6

'n Psalm van Dawid.

Die Here is my herder, ek kom niks kort nie. Hy laat my rus in groen weivelde. Hy bring my by waters waar daar vrede is. Hy gee my nuwe krag. Hy lei my op die regte paaie tot die eer van sy Naam. Selfs al gaan ek deur donker dieptes, sal ek nie bang wees nie, want U is by my. In u hande is ek veilig. U laat my by 'n feesmaal aansit, terwyl my teëstanders moet toekyk. U ontvang my soos 'n eregas, ek word oorlaai met hartlikheid. U goedheid en liefde sal my lewe lank by my bly en ek sal tuis wees in die huis van die Here tot in lengte van dae.

Joh 10:11

11“Ek is die goeie herder. Die goeie herder lê sy lewe af vir die skape.

 

Gasheer is die Bron wat ons laat aanhou, uithou en volhard in die Reis van die Lewe.

My hart gaan uit na mense wat deur sulke moeilike tye gaan. As ’n mens rondom jou kyk, dan sien jy hoe huise en ontwikkelings leeg staan, besighede toemaak, mense hulle motors verkoop, kinders gesteel en vermoor word. Dis moeilike tye, slegte tye. Dis tye waarin mense hul lewe neem, want alles raak net te veel, die druk raak te kwaai. Baie mense gooi handdoek in, verlaat sommer die kerk en is kwaad vir God.  Baie kom nie by die wenpaal uit nie. Dit laat ’n mens vra: “Onder die omstandighede hoe gaan ‘n mens aan of vorentoe?”.

Sondag, 23 September 2018 09:00

HOU UIT 2018: Selfhelp generasie

Geskryf deur

Sondag, 23 September 2018

 

Psalm 121:1-8

1 'n Pelgrimslied.

Ek kyk op na die berge: waarvandaan sal daar vir my hulp kom? My hulp kom van die Here wat hemel en aarde gemaak het. 3Hy sal nie toelaat dat jy struikel nie; Hy wat jou beskerm, slaap nooit nie. 4Waarlik, die Beskermer van Israel sluimer nie in nie en Hy slaap nie. 5Die Here beskerm jou, die Here bewaar jou van alle gevare. 6Bedags sal die son jou nie steek nie en snags sal die maan jou nie kwaad doen nie. 7Die Here sal jou beskerm teen alle gevaar, jou lewe sal Hy beskerm. 8Hy sal jou beskerm waar jy ook gaan, nou en vir altyd.

Sondag, 16 September 2018 06:43

HOU UIT 2018: Pyn

Geskryf deur

Sondag 16 September 2018

Ons is besig met die laaste termyn tema: UITHOU

Soms beland jy op die stoel (tandarts stoel) hetsy deur jou eie toedoen of deur ander mense of bloot as gevolg van omstandighede. En hierdie stoel verteenwoordig vir die meeste mense net pyn en seerkry.

Elke ding op aarde het ‘n prys – alles kos iets. Jy betaal of met sweet of met trane.

Ons gaan onder andere kyk na 2 Bybelkarakters, Josef en Dawid, oor hoe sweet en trane in hulle lewe uitgespeel het. Want ons praat oor karakter, oor wie jy rêrig en werklik is. Dit gaan oor wat en hoe jy dinge doen (lewensiening, uitkyk, ingesteldheid, gesindhede, motiewe, optrede en gedrag).

Sondag, 09 September 2018 09:00

HOU UIT 2018: Volharding

Geskryf deur

Sondag 9 September 2018

Ons begin met die laaste termyn tema: UITHOU

Ons gaan die beeld van ’n ultra atleet gebruik (2 Tim 4:7 “die lewe is wedloop wat jy end uit moet voltooi” + Heb 12:1d “hardloop die wedloop wat vir jou voorlê met volharding”) asook na aspekte kyk wat nodig, reg en in plek moet wees om klaar te maak. Aspekte soos:

  • Regte toerusting/gear - die stuff wat jy dra of mee deelneem;
  • Regte supplements/kos - die stuff wat jy inneem, saamneem;
  • Regte program - reg oefen, gewoontes;
  • Regte oefen partners - diegene saam en om jou;
  • Regte denke – motiewe, visie, gesindheid en ingesteldheid.

Vanoggend kyk ons na die regte denke wat nodig is om te volhard:

Sondag, 02 September 2018 09:00

HOU AAN 2018: Kind van die Koningkryk

Geskryf deur

Sondag 2 September 2018

Skriflesing

Markus 10:13-16

13Die mense het kindertjies na Jesus toe gebring dat Hy hulle moet aanraak. Sy dissipels het met die mense daaroor geraas. 14Maar toe Jesus dit sien, was Hy verontwaardig en het Hy vir hulle gesê: “Laat die kindertjies na My toe kom en moet hulle nie verhinder nie, want die koninkryk van God is juis vir mense soos hulle. 15Dit verseker Ek julle: Wie die koninkryk van God nie soos 'n kindjie ontvang nie, sal daar nooit ingaan nie.” 16Hy het sy arms om die kindertjies gesit, hulle die hande opgelê en hulle geseën.

Hierdie verhaal is vanaf die vroegste tye deur die christelike kerk in die doopliturgie opgeneem. Met goeie rede, want dit waaroor dit in hierdie gedeelte gaan is ook presies waaroor dit in die kinderdoop sowel as die hart van die evangelie gaan.

Eerstens. Markus vertel ons dat ouers hul kinders na Jesus gebring het sodat Hy hulle sou aanraak.

Bladsy 5 van 9

Groei

Materiaal vir groei & Bybelstudie

Lees meer

Gemeenskap

Reik uit na die gemeenskap

Lees meer

Koinonia

Interaksie tussen gemeentelede

Lees meer

Kalender

Bly op hoogte van al ons gebeure

Lees meer