NG Kerk Eros Preke

Preeknotas Sondag 6 Oktober 2019 - Fourie van den Berg

Verder met die Goeie Nuus soos en as parfuum

Vandag kyk ons na reuke, ruik, aroma’s, geure en die neus, want daar is ‘n direkte verbintenis tussen godsdiens en geloof. Bo en behalwe dat God kan of kon geruik word (in die Ou Testament speel reukoffer op die reukaltaar ‘n belangrike rol), word ons geloof en ons godsdiens ook geruik (reuk speel ‘n belangrike rol hierin ook). Ons is hierdie termyn besig met “verder”. Vandag gaan ons verder met die Goeie Nuus soos en as . . . parfuum. Ons lees in 2 Kor. 2:14, “versprei die kennis van Christus oral soos 'n aangename geur (in die Engelse vertaling is dit “sweet perfume”). Ons is die wierook (wonderlike aroma,  ‘fragrance’ of reukwerk) wat deur Christus vir God gebrand word”.

Die maak van parfuum (‘means to smoke through’) is ‘n eeueoue beroep en ‘n kuns. In Egipte het hulle dit onder andere gebruik om lyke te balsem. Die benaming ‘reukwerk’ is gebruik omrede mense baie hard moes werk om die eteriese olie uit blomme, plante, kruie, bome, bas, vrugte, grasse te pers, bymekaar te voeg en te meng om spesifieke reuke te kry. Die verskil tussen “aftershave”, “cologne”, “eau de toilette” en parfuum is die persentasie geur-ekstrakkonsentraat wat met olie en alkohol  gemeng word. So byvoorbeeld bevat “aftershave” slegs 2%, “cologne” 15%, “eau de toilette” 20%, en parfuum 40% konsentraat. Diermateriaal is lank in verskeie parfuumsoorte gebruik om die verdamping van eteriese olies te vertraag en om seker te maak die geur hou lank nadat die flessie oopgemaak is. Ons kyk na ’n paar aspekte:

  1. Neus: Die neus help ons om te lewe deurdat lug deur die neus opgeneem word. Die neus suiwer of steriliseer die lug deur die haartjies, kliere, buise en vliese wat kieme vernietig. Verder is daar klein reseptore wat die lug na die olfaktoriese bol begelei, van waar die inligting na die limbiese stelsel in brein gestuur word. Hierdie reseptore neem reuke waar wat impulse na die organisme se brein stuur en ‘n reaksie tot gevolg het. Daar is dus ‘n direkte konneksie tussen die neus en die brein wat die reuksintuig van mense en dier so belangrik en fenomenaal maak.
  2. Reuk: Die neus se reukvermoë het toegang tot ‘n deel van jou brein wat woorde en beelde nie kan ontsluit nie. Volgens navorsers kan een persoon tot 10 000 reuke erken. Ons word daagliks aan baie reuke blootgestel, maar ons is slegs bewus van die reuke wat ons irriteer, dít wat lekker ruik of dít wat ons aan die verlede herinner. Ons kan ook bepaal waar ’n reuk vandaan kom, omdat een van ons neusgate die reuk ’n paar millisekondes na die ander een ontvang. Ons reuksintuig is verantwoordelik vir 80% van wat ons proe. Elkeen van ons het ons eie geur-identiteit of reuk-vingerafdruk wat deur faktore soos gene, veltipe en jou dieet beïnvloed word. Asemhaling deur die neus gaan oor meer as om net lug na die longe te stuur sodat jy aan die lewe kan bly. Volgens Aromakologie (die studie van die impak van die effek van reuke op ‘n mens) beïnvloed jou asemhaling die manier van hoe jy voel, dink en optree.
  3. Geheue: Reuke neem jou terug na plekke of mense of gebeurtenisse. Mense kan na ’n jaar nog steeds reuke met 65% akkuraatheid herroep, terwyl hulle na drie maande slegs 50% van die visuele kan herroep. Reuke maak jou bewus van, of laat jou terugdink aan, goed wat lank terug gebeur het. Dit kan dus maak dat jy op ‘n bepaalde manier optree met ‘n gevoel van hongerte, hartseer, aggressie of kalmte.  
  4. Emosies en gedrag: ‘n Mens se neus is direk verbind met die naaste deel van die brein se limbiese sisteem (amygdala, hipotalamus, hippokampus) jou emosie. Sig en gehoor is in die agterste korteks. Reuk is dus die sterkste sintuig en beïnvloed of bepaal heel eerste jou emosies. In Japan word geure deur lugversorgers vrygestel om sodoende mense se gemoedstoestande te bepaal. Geure soos lemoen of peppermint wat gedurende die oggend vrygestel word, maak jou wakker. Geure soos roos en kaneel gedurende die middag, kalmeer jou. Boombas-olie hou jou wakker in die namiddag en laventel help mee dat mense 33% minder foute maak. ‘n Bietjie jasmyn voor hulle huis toe gaan het ‘n kalmerende uitwerking. In aromaterapie word sekere olies selfs as medisyne aangewend om vir spesifieke siektes en spier probleme (vir ontspanning) te help. Dink terug reuke jou kinderdae: watter reuke laat jou goed en bly voel? En watter reuke laat jou sleg, hartseer en kwaad voel? Aromakoloë sê selfs stede en lande het reuke. Dink vir ’n oomblik: Watter reuke definieer Windhoek en Namibia vir jou? En hoe ruik jy, jou huwelik, julle gesin, jou besigheid of werk?

Reuke is baie meer as net geure. Dit kan gepersonifieer word. Jy sien dit in die magdom idiome soos: neus in die lug - Ps 10:4 “Met sy neus in die lug dink 'n goddelose mens altyd: daar is geen God nie.”. Verder ook: dis neusie verby;  snuf in die neus kry; ‘n bril op my neus gesit; op jou neus kry; aan die neus gelei;  met ‘n stink spoed hardloop; stank vir dank kry; ruik iets stink; ruik ‘n rot of ‘n lont ruik…
Ek het al genoem dat elke mens sy eie unieke reukafdruk (vinger/stem) het. Wie jy is en wat binne jou aan die gang is, skei egter ook ‘n “reuk” of “geur” af wat deur ander geruik kan word deur byvoorbeeld jou gesindheid, jou ingesteldheid, jou houding, gedrag, optrede en woorde. Daarom verwys ons na iemand se houding, gedrag of woorde in terme van reuk soos dat dit ‘n vars briesie is of anders dat dit stink. Met stink bedoel ons dat iemand hoogmoedig is, neerhalend, meerderwaardig, verwaand, onbeskof, ongeduldig, afbrekend, verkleinerend, sarkasties, rebels, geen respek, astrant, opstandig, aspris, hardkoppig, ondankbaar, onbehulpsaam, onbetrokke, onenigheid, agterbaks, jaloers. Verder word daar met stink bedoel: sleg, lelik, nie lekker nie of dat daar groot probleme in die verhouding en tussen mense is. Wanneer stink iets? Wanneer iets dood is, begin ontbind (soos Lasarus), menslike afval, vrot, afval, vullis, vuil ens. Goed wat stink is dus dood, vrot, vuil, vullis. Daar is so baie goeie goed in ons lewens wat veronderstel is om lekker te ruik, maar dit stink omdat dit nie meer lewend is nie. Ek dink aan dinge soos liefde, geloof, hoop, vertroue, veiligheid, moed, genot, vreugde, blydskap, entoesiasme, toewyding ens. Hoe ruik dit in jou lewe? In jou huwelik? Is daar vertroue, respek, genoeg aandag, kommunikasie ens? Hoe ruik jou kinders? Hoe ruik jou morele waardes? Jou werk en finansies? Ruik dit lekker of stink dit? Die Bybel maak dit duidelik dat God se reuk (Eksodus 30) soos die aangename soet, lekker reuk was, wat met al die kruie en wierook gemeng is en die geur en aroma van die liefde  soos in Hooglied 1:7 “His love song is filled with perfume, incense, fragrant spices, flower and spring garden smells of all kinds, and also the smells of trees, plants and fruits. I doubt if there are so many references to romantic smells, in so short a space, in any literature on earth as to the smell of God.” God se reuk is lewe, soos reën op grond. Die eerste mens is gemaak uit water en grond. God se Ruag is hul sy neus geblaas.  O, wat ‘n lekker reuk en geur was daar nie in die paradys nie? Maar toe kom die sondeval, verloor hulle die paradys en bevind hulle hul tussen stanke van die sonde en as gevolg van die sonde. Dit is wat sonde doen, dit maak dood, vrot, vuil . . . .
ROMEINE 6:23 “Wat die sonde uitbetaal, is die dood. Maar God se genadegeskenk is die ewige lewe wat ons deel word deur Christus Jesus ons Here!”
JAKOBUS 1:14 “'n Mens word verlei deur sy eie begeertes wat hom aanlok en saamsleep. Daarna, as die begeertes bevrug geraak het, bring dit die sonde voort; en as die sonde ryp geword het, loop dit uit op die dood.”
ROMEINE 5:12 ”Deur een mens het die sonde in die wêreld gekom en deur die sonde die dood, en so het die dood tot al die mense deurgedring, omdat almal gesondig het.”

Dit beteken dat die goeie in jou lewe wat begin stink (dood, vrot, vuil) het, is as gevolg van sonde: En dit is ongehoorsaamheid, onmenslikheid, onmenswaardigheid en liefdeloosheid as gevolg van dinge wat jy verkeerd doen of oor ander s’n op jou.

“Toe ek in Troas gekom het om die evangelie van Christus daar te verkondig, het die Here die deure vir my wyd oopgemaak. Tog het ek nie gemoedsrus gehad nie, omdat ek my broer Titus nie daar gekry het nie. Daarom het ek van die mense daar afskeid geneem en Masedonië toe vertrek. Maar aan God die dank! Hy voer ons altyd saam in sy triomftog omdat ons een is met Christus. Deur ons versprei Hy die kennis van Christus oral soos 'n aangename geur.” 2 Kor. 2: 12-14

Agtergrond: Paulus bevind hom in ‘n stink situasie. Hier, in die gemeente van Korinte, het Paulus se werk en gesag as apostel onder verdenking gekom as gevolg van ‘n misverstand tussen hom en die gemeente. Dis aangehelp deur vals apostels. Hy het saam met Titus ‘n brief aan hulle gestuur om die probleem te probeer opklaar, maar tevergeefs gewag het op ‘n antwoord. Dit alles het hom baie moedeloos gemaak, soveel só dat hy nie sy werk, as apostel van die Evangelie rustig in Troas kon voortsit nie. Die situasie tussen hom as predikant en gemeente het gestink. Daar was onenigheid, rugstekery, divisie en tweespalt. En hiervoor wil Paulus tog nie verantwoordelik wees nie. Dan, ewe skielik, val hy homself in die rede. Hy is nog besig om te verduidelik wat in Troas gebeur het en dan roep hy uit die bloute uit: “Maar aan God die dank! Hy voer ons altyd saam in sy triomftog omdat ons een is met Christus...”

Dit is asof hy, te midde van die misverstande, teleurstelling en verduidelikings vir hulle in Korinte, én vir homself sê: Kom, laat ons nie nou kop verloor nie. Laat ons nie nou struikel oor die stink goed nie, oor menslike verskille en oor misverstande nie. Laat ons eerder onthou waarmee ons besig moet wees, nl. dat God ons altyd saam neem in sy triomftog deur die wêreld! Niks, geen stank, probleem of misverstand mag ons roeping, opdrag en deelname aan, in die wiele ry nie! Van Gód se triomftog!

Die beeld wat Paulus hier gebruik, dui op ‘n feestelike militêre optog van die generaal, ná sy oorwinning op die slagveld..., oppad na die oorwinningsfees in die hoofstad! Dit was ‘n indrukwekkende geleentheid: Heel voor in die optog was die ministers van die stad. Ná hulle het die slawe, wat as buit by die vyand afgeneem is, geloop. Daarna die priesters met ‘n wit bul wat by die oorwinningsfees geslag sou word. Ná hulle het die oorwonne vyand gevolg, dié wat die veldslag oorleef het – geboeide, verslae, al strompelende. Dan het daar nog priesters en musikante geloop met bakke waarin wierook gebrand is. En heel laaste, die generaal – die held van die oorwinning! Dít was die triomftog: ‘n uitbundige oorwinningstog wat ver gehoor én geruik kon word! Hierdie triomftog dien as beeld van God se triomf en oorwinning oor die dood want volens Kol. 2:15 “Hy het die bose magte ontwapen (ontklee, alles van hulle afgeneem) en hulle in die openbaar vertoon (letterlik bespotlik gemaak) deur hulle as gevangenes in die triomftog van Christus mee te voer...”.

Die triomftog beteken dus, dat God deur Jesus Christus se kruisiging en opstanding, die finale oorwinning behaal het oor die grootste vyand wat ons en ons wêreld ooit kon hê, naamlik die duiwel en sy verwoestende magte van sonde en boosheid (die stink goed in ons lewens) en die fisiese dood. En nou is Hy besig (van toe tot nou) met sy oorwinningstog deur die gange van die geskiedenis, op die teerstrate van spog woonbuurtes, oor die stofstrate van plakkerskampe en op die snelweë van wêreldstede! Op pad na die finale oorwinningsfees in die Nuwe Jerusalem soos in Openbaring. Dít is wat ons wêreldgeskiedenis tans vol maak en waarvan ons deel van is.

Om dié aangename geur van Jesus (Goeie Nuus van Jesus se opstanding) te versprei verder, want ek en jy, ís deel van die optog! Nie as die verslane vyand nie, maar as mede-oorwinnaars “in Christus” . . . “in al hierdie dinge (die stink goed soos lyding, swaarkry, ens) is ons meer as oorwinnaars deur God wat ons liefhet” Rom. 8:37. Oorwinnaars, want die LEWE het die DOOD oorwin. Soos met Lasarus. Jesus was baie goeie vriende met Lasarus en sy susters Martha en Maria. Maar hy word siek en hulle stuur vir Jesus ‘n berig, maar Hy vat te lank en Lasarus sterf. Teen die tyd wat Jesus daar aankom, is hulle nie meer gelukkig nie, want as Hy vroeër gekom het sou Hy hom kon gesond gemaak het. Nou is dit klaar en verby, want Lasarus het al 4 dae terug gesterwe, is begrawe in die graf. Daarom sê Maria vir Jesus “hy stink al”.
Voel jy nie ook so nie? As Jesus, God, net vroeër gekom het sou dit en dat nie in en met jou lewe gebeur het nie. Is jy nie ook teleurgesteld en kwaad dat God nie betyds was en nou betyds is nie? Maar hoor mooi: Jesus was betyds en op die regte tyd daar. Hoewel dit nie die tyd was wat hulle wou gehad het nie, was dit die regte tyd, want toe Jesus die berig gehoor het, het Hy gesê “die siekte sal nie op die dood uitloop nie maar op die wonderbaarlike oorwinnende mag van God . . . sodat die mense kan glo dat U My gestuur het (Joh. 11:42)” 
Dit beteken dat ek en jy in die slegte, stinkende, dooie, vrot tye moet vertrou dat dit nie verby is nie en nooit sal verander nie. Dat ons op God moet bly vertrou, bly glo en bly bid dat die lewe die dood sal oorwin. Soos met Lasarus, roep Jesus in Joh 11:43 “Lasarus kom uit” en die kom lewend uit met doodsdoeke. Wat is dit wat jy wil hê (wat dood is en stink in jouself, jou huwelik, kinders, werk, finansies, gesondheid) moet uitkom (moet weer lewe) en ‘n aangename en lekker ruik hê? Wel sê dit dan: met geloof en vertroue in die krag van Jesus se opstanding om wat dood is, lewend maak. Want Jesus het die dood ‘n paar weke daarna oorwin en lewend uit die graf gekom. ‘n Nuwe geur van lewe was in die lug en in die tuin. Hy gaan toe na ‘n klomp dissipels toe wat in stinkende ongelowige, bang en teleurgestelde plekke was en blaas op hulle Sy verfrissende lewende asem. Hulle het die krag van die Heilige Gees ontvang en dit het die dooie en stinkende reuke vervang met lewendige aangename geur van geloof, vertroue, opgewondenheid, lus, energie en entoesiasme oor die krag van die oorwinning. Daar is krag in die opstanding, wat dooie goed verander en lewend maak. Dis die oorwinning!
“Ek bid dat Hy julle geestesoë so verhelder dat julle kan weet watter hoop sy roeping inhou, en watter rykdom daar is in die heerlike erfenis wat Hy vir die gelowiges bestem het, en hoe geweldig groot sy krag is wat Hy uitoefen in ons wat glo. Dit is dieselfde kragtige werking van sy mag wat Hy uitgeoefen het toe Hy Christus uit die dood opgewek en Hom in die hemel aan sy regterhand laat sit” Ef. 1:18 – tot beskikking vir my en jou – daarom sê Paulus . . .
“Al wat ek wens, is om Christus te ken, die krag van sy opstanding te ondervind en deel te hê aan sy lyding deur aan Hom gelyk te word in sy dood,” Fil. 3:10
Roep ”Lasarus kom uit”. Lasarus is ‘n sinoniem vir dooie stink goed wat dood was en wat lewend moet word: Slegte huwelik, ontrouheid, wantroue, respekloosheid, moedeloosheid, negatiwiteit, angs, woede, haat, bekommernis, hartseer, pyn/seerkry, konflik, onveiligheid, depressie, verkeerde gedrag, oneerlikheid, skelm, diefstal, drank, dwelms.  Dit moet uitkom, verander en lewendig word deur die geloof in die krag van Jesus se opstanding. Maar vir dit om lewend te word, vra iets, ‘n koste. Dieselfde Maria vat baie duur ($30 000) nardus olie wat net baie hoog op in die Himalajas gevind kan word, daarom is dit so duur. Sy koop dit met alles wat sy gehad het om Lasarus te salf. Aangesien sy dit reeds gehad het, salf sy Jesus soos ‘n Koning, Priester en Profeet vir die slegte en stinkende lydingspad wat vir Hom voorlê – sodat Hy tussen al die vuil en stink, die parfuum aan hom kon ruik en kon aanhou, volhou in die slegte en seerste, stinkste situasie oppad na die kruis. Die reuk help Hom om toegewyd te bly, op te offer en te ly vir die oorwinning, sodat die lewe oor die dood kon triomfeer.
Ons kan net deur die krag van Jesus se opstanding uit die dood triomfeer en oorwin oor die stinkende goed in ons lewens. Dit vra ‘n prys, ‘n koste naamlik dat ons alles sal gee om met dié goed wat die aangename geur in ons dood maak, te breek. Om te oorwin moet ons stop met alles wat ons lewens laat stink, moet ons ophou om te sondig en ongehoorsaam te wees deur:

  • Belydenis van die verkeerde, die sonde en die aanvaarding van die lieflike geur van God se vergifnis in jou lewe. Daardeur vat Hy die gemors en die stink weg soos ‘n vullislorrie. Laat die geur en aroma van Jesus se oorwinning oor die dood in jou lewe inkom.
  • Weerstaan, stry teen die sonde wat die vlees, die lewe en vreugde doodmaak. Die stink en die stank maak jou lewe en verhoudings dood.
  • Gehoorsaamheid, want dit hou die aangename wonderlike geur en reuk van Jesus se oorwinning en die krag van Sy opstanding in jou lewe lewendig.
  • Gebed. Jesus bid elke keer voor Hy ‘n wonderwerk doen soos met die vermeerdering van brode en visse asook met Lasarus. Dit wys jou dat wanneer jy bid en God dank, dat Hy jou gebed verhoor en wanneer jy die seën vra, dan gebeur daar wonders. Hoe ruik jou gebede? Soos reukwerk? Ps. 141:2 en Op. 8.

Die krag van Jesus se opstanding verander die stink reuke in aangename reuke in jou lewe. Jou gehoorsaamheid moet wees om dit na ander te versprei soos parfuum sodat die dooie stink goed in hul lewe in aangename geure kan verander. Om hierdie heerlike geur te kan versprei en vrystel, moet jy oorweldig word deur dit wat die Here Jesus vir ons gedoen het en moet die aangename geur van die krag van Sy opstanding in jou lewe inkom en jou so deurdrenk sodat Hy . . . “Deur jou die kennis van Christus oral soos ‘n aangename geur sal versprei in hoe jy lewe, want jy is die wierook van die Goeie Nuus van Jesus se opstanding wat vir God gebrand word...” 
Soos wierook deur die beweging van lug voortgedra word en die aangename geur daarvan al verder en verder uitdra, só is God besig om die kennis van Christus te versprei. Hy vesprei dit deur jou en my, as oorwinnaars met die geloofskennis oor die opstanding, dus die sekerheid van God se reddende oorwinning van dooie goed deur Christus! Dit is die “aangename geur”, die wierook, wat ek en jy moet versprei! Luister na hierdie verhaal: Twee manne het goud ontdek en besluit om dit stil te hou. Die volgende oggend, toe hulle terugkeer na hulle goud, het ‘n groot groep delwers al agter hulle aangeloop. “Wat soek julle?” wou die twee manne weet. Die delwers het geantwoord: “Julle het goud ontdek!” Hoe kan julle so sê?”, wou die twee manne weet. “Dit staan oor julle gesigte geskryf!” antwoord hulle.
Net só moet die krag van Jesus se opstanding en Sy teenwoordigheid as ‘n aangename geur op ons gesigte gesien kan word, maar ook geruik kan word deur hoe ons lewe met en teenoor ander: met sagmoedigheid, aanvaarding, betroubaarheid, lojaliteit, eerlikheid, getrouheid, behulpsaamheid, ondersteunend, genadiglik, vriendelik, insluitend, aanmoedigend, hulp ander wat swaarkry, en te lewe met positiwiteit, hoop, geloof, moed, en dapperheid. 
Eerstens: Om te verstaan wat dit beteken, moet u besef dat elkeen van ons deur God as ’n verspreider van die evangelie gebruik wil word. Ons is nie almal apostels nie. Ons is selfs nie eers almal leraars en ouderlinge en diakens, op wie die werk van die apostels na hulle dood oorgegaan het nie. Maar ons word almal geroep om in ons eie lewensomstandighede en lewenskringe verkondigers te wees van die groot dinge wat Jesus Christus gedoen het. Onthou u, 1 Petrus 2:9, waar die apostel Petrus vir gelowiges skryf: Maar julle is ’n uitverkore geslag, ’n koninklike priesterdom, ’n heilige volk, ’n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig...? Elkeen van ons behoort ’n verspreider van die kennis van Christus te wees en so ’n aangename geur van Christus tot eer van God in hierdie wêreld.
Tweedens: Ons moenie dink dat ons die kennis van Christus versprei as ons die kerk so ’n bietjie propageer nie of as ons hier en daar laat val dat die Bybel darem nie so ’n slegte boek is nie. Om werklik ’n heerlike geur te wees wat geruik kan word, moet ons met liefde reguit oor Jesus Christus praat, oor die sondes van mense wat dit nodig gemaak het dat Hy mens ook geword het, oor wat dit Hom gekos het om daarvoor te betaal en ons moet sonder skaamte getuig dat Hy lewendig uit die dood opgestaan het en dat Hy nou in die hemel as Koning regeer. Ons moet Hom as die gekruisigde en opgestane Verlosser en Here bekendmaak (Vergelyk ook Jes. 43:21); as die enigste deur na die saligheid toe; as die Koning wie se koningskap oor ons elkeen se lewe net met die verskriklikste gevolge denkbaar geïgnoreer kan word. Sulke oorversigtige flou en vae aanmaninkies tot ongelowiges om te oorweeg om tog maar weer die kerk ’n kans te gee, is nie die heerlike reuk waarvan hier gepraat word nie. Die heerlike reuk is daar waar daar reguit oor Christus gepraat word.
Derdens: Om dit reg te kry om met liefde reguit van Christus te getuig, moet die kennis van Christus regtig in jou ingegaan het. As dit nog soos iets is wat jy los ronddra en soos ’n pamfletjie vir ander wil uitdeel, moet jy nie verbaas wees as jy niks bereik nie. Om hierdie heerlike geur te kan vrystel, moet dit wat die Here Jesus vir ons gedoen het, jou oorweldig het. Jy moet so deurdrenk wees van die kennis van Sy liefde vir sondaars, wat aan jóú ook bewys is, dat dit spontaan by jou uitborrel soos jy vir ander ook daarvan vertel. As die geur van Christus se offer vir ons, nie ook sterk aan jouself kleef nie, gaan jy nooit ’n geloofwaardige getuie vir die Here wees nie.
Vierdens: Ons moenie die illusie hê dat ons maar net die evangelie moet versprei en dan sal almal wat dit hoor na die Here toe kom en na die kerk toe stroom nie. Hierdie heerlike geur van die kennis van Christus werk nie so nie. Natuurlik is daar mense vir wie dit ’n lewensreuk is, maar daar is ook mense vir wie dit ’n doodsreuk is. Selfs daar waar Christene met diep en opregte oortuiging die boodskap van die Here bring en die geur van Sy kennis soos lieflike lentegeure in die lug laat hang, daar word daar nie net mense vir die Here gewen nie. Daar word daar by party ongelowiges juis dan nog groter weersin in die evangelie en in die draers daarvan gekweek. Maar eintlik moet ons nie veel begaan wees oor die effek van ons evangelisering nie. As ons maar net die Here se heerlike geur vir hierdie wêreld kan gee, dan sal Hy dit gebruik soos Hy wil... AMEN
Watter reuke definieer God? Hoe ruik God vir jou? Watter reuke help jou om van God bewus te wees? As navorsing sê dat ons tienduisend reuke kan identifiseer – dan moet daar tog reuke wees wat ons aan God laat dink. Reuke wat ons skielik van Hom bewus maak.
Watter reuke herinner jou dat Hy teenwoordig is? Watter reuke help jou om van God se teenwoordigheid bewus te bly? Kan jy jouself meer met daardie reuke omring?
Mag die reuke van die naderende lente jou herinner aan Sy teenwoordigheid.

Amen

'n Video-opnamehttps://www.facebook.com/NGErosGemeente/videos/691284774714994/

Sondag, 29 September 2019 09:00

Verder 2019: Survivor

Geskryf deur

Preeknotas Sondag 29 September 2019 - Marco Koch

Survivor



Ken julle die Survivor-reeks op TV?

Survivor gaan basies oor ‘n groep alledaagse mense wat saam op ‘n eiland geplaas word. Hulle moet op die eiland oorleef met basies geen kos nie, dan hou hulle verskillende kompetisies om te kyk wie die sterkste is.  Hulle kyk wie is die “survivor”. As dit maar net die speletjies en oorlewing was sou dit baie maklik wees om die wenner te bepaal, maar daar is ‘n kinkel in die kabel. Daar is elke nou en dan ‘n sogenaamde “Tribal Council” waar hulle een van hulle mede-deelnemers moet uitstem. Elkeen kry ‘n fakkel, die vlam verteenwoordig elkeen se lewe. As jou vlam ophou brand kom jou lewe op die eiland tot ‘n einde. Elkeen kry ‘n stukkie papier om een van hul maatjies se naam op te skryf. Die naam wat die meeste gelees word, word uitgestem. So gaan die speletjie aan tot die laaste een oorbly, dié is dan die wenner en kry ‘n miljoen dollar, Amerikaanse dollar nogal. Nou wat dink julle gebeur op so ‘n eiland onder die deelnemers? Die mense op die reeks is nie so beskeie soos die maatjies hier voor nie. In die reeks probeer elke persoon ‘n paar maatjies aan sy kant kry wie hy kan vertrou, net om later daardie selfde maatjies uit te stem. Dit is ‘n gejokkery en rugstekery onder mekaar. Die hele speletjie is ontwerp vir eiegewig en selfsugtigheid! Elkeen se agenda is op haarself of homself gerig.  

Ek is persoonlik ‘n groot aanhanger van die reeks. Soos ek na hierdie storie gekyk het oor die jare het ek al hoe meer gewonder: is die wêreld nie ook maar soos ‘n Survivor reeks waaraan ons almal deelneem nie? Die mense kyk dit graag omdat hulle met die karakters kan vereenselwig. Almal probeer oorleef in hul eie survivor omgewing van rugstekery en gejokkery. Ons lewe in ‘n wêreld waar almal veg vir oorlewing en die meeste nie omgee wie uitgestem word nie. Die “swakkes” word op die rand van die samelewing geskuif. Ons praat van randfigure. Wie is die randfigure in jou kringe? Verseker armes, dalk mense met gestremdhede, dalk mense met ‘n ander seksuele oriëntasie as jy, dalk net mense waarvan jy net nie hou nie. Wie is die mense wat jy uitstem? Waar staan jy met Jesus se opdrag waar Jesus sê “Jy moet jou naaste liefhê soos jouself.”?

Verder lewe ons in ‘n wêreld waar mense nie eers omgee oor die wêreld nie. Mense jaag daardie miljoen dollar, onthou Amerikaanse dollar, sonder omgee oor die impak op die natuur, sonder om te vra “waarheen gaan die rommel wat ek so sorgeloos weggooi?” Waar staan jy met God se opdrag aan die mensdom waar God vir ons in Genesis vra dat ons Sy skepping moet versorg?

Genade verkondiging
Hier kom die goeie nuus vir ons vandag: Almal wat in ware berou (oor hierdie vrae) na Jesus Christus kom vir verlossing, is vrygespreek omdat ons deel het aan Sy liggaam. Dit is wat ons vandag vier wanneer ons die nagmaal gebruik. Die nagmaal is ‘n troos en ‘n verantwoordelikheid. Ons teks gaan ons help om dit beter te verstaan. 

Epiklese en skuldbelydenis
Liewe Heer, 
Ons bid vandag vir die randfigure. Ons bid vir ons arme mense, u lieflingskepsels, wat geteister word deur plae: siektes en hongersnood, oorlog en terreur, armoede, onsekerheid, vrees, werkloosheid en oorwerktheid. Ons bid vir mense met uitsigloosheid, hooploosheid, verslawing, verlies, spanning, deur die verval van familie- en ander verhoudinge. Ons bid vir mense met gestremdhede en ook vir mense met allerlei agterstande...

Vader van genade, ons toevlug en ons rots, die een aan wie ons behoort. U is die liggaam aan wie ons deel het en ons vier dit by vandag se nagmaal. Ons bid vir u lieflingshemelliggaam, Planeet Aarde - ons woonplek: vir die atmosfeer, die see en die land en alles wat daarin probeer leef, maar verstik aan ons plastiek...

(Verbintenis/toewyding)
Maak ons honger en dors na wat reg is. Vermeerder U liggaam, die brood vir die wêreld, deur U kerk. 

Waar ons nou uit U Woord gaan lees vra ons dat U ons sal lei en dat U ons sal leer...
Laat almal op Aarde leer om u Naam te heilig. Leer my om u Naam vandag heilig te hou.

Amen!

Skriflesing: Lukas 22:7-23
7 Die dag van die ongesuurde brood, waarop die paaslam geslag moes word, het aangebreek. 8 Jesus stuur toe vir Petrus en Johannes vooruit met die opdrag: “Gaan berei die paasmaaltyd vir ons voor dat ons dit kan eet.” 9 Hulle vra Hom: “Waar wil U hê moet ons dit voorberei?” 10 Toe antwoord Hy hulle: “Kyk, net soos julle die stad ingaan, sal 'n man wat 'n kruik water dra, julle ontmoet. Gaan saam met hom tot in die huis waar hy ingaan, 11 en sê vir die eienaar van die huis: ‘Ons Leermeester vra u: Waar is die kamer waar Ek met my dissipels die paasmaaltyd kan eet?’ 12 En hy sal julle 'n groot bovertrek wys wat klaar daarvoor ingerig is. Daar moet julle dit voorberei.” 13 Hulle het gegaan en dit gekry net soos Jesus vir hulle gesê het, en die paasmaaltyd voorberei. 14 Toe dit tyd was, het Jesus aan tafel gegaan en die apostels saam met Hom. 15 Hy sê toe vir hulle: “Ek het baie daarna uitgesien om hierdie paasmaaltyd saam met julle te eet voordat Ek ly. 16 Ek sê vir julle: Ek sal dit nie weer eet voordat dit in die koninkryk van God sy volle betekenis gekry het nie.” 17 Daarna neem Hy 'n beker, spreek die dankgebed uit en sê: “Neem dit en gee dit vir mekaar aan. 18 Ek sê vir julle: Ek sal van nou af nie weer wyn drink voordat die koninkryk van God gekom het nie.” 19 Toe neem Hy brood, spreek die dankgebed uit, breek dit en gee dit vir hulle met die woorde: “Dit is my liggaam wat vir julle gegee word. Gebruik dit tot my gedagtenis.” 20 Met die beker na die maaltyd het Hy net so gemaak en gesê: “Hierdie beker is die nuwe verbond, beseël deur my bloed, wat vir julle vergiet word. 21 “Maar kyk, die hand van die man wat My verraai, is saam met Myne hier op die tafel. 22 Met die Seun van die mens sal dit gaan soos dit voorbeskik is, maar wee die man deur wie Hy verraai word!”

Prediking

  1. Van Survivor na Jesus

Toe ek hierdie teks vir die eerste keer gelees het het ek ‘n lekker uiteet gevoel in my kop gehad, amper soos om by Spur of Stellenbosch te gaan eet. Ek het gedink aan lekker gelag, samesyn en lekker brood en wyn. 

Maar as mens mooi kyk na hierdie gedeelte in Lukas dan sien mens, dis nie heeltemal wat daar gebeur het nie. Die toneel van die Avondmaal was eintlik maar net ‘n vorm van Survivor wat daar afgespeel het. As ons mooi kyk dan sien ons dat daar baie gekonkel en rugstekery aan die gang is. 

  • Die gedeelte voor ons teksvers vertel hoe Judas Iskariot, wat een van die twaalf was, met die priesterhoofde en offisiere van die tempelwag ooreenkom om Jesus te verraai vir geld. 
  • Die gedeelte na ons teksvers vertel dan weer van die dissipels wat konkel en probeer bepaal watter een van hulle die belangrikste is. 
  • Terwyl Jesus in Getsémané bid en worstel, so erg dat sy sweet soos bloeddruppels op die grond val, le die dissipels en slaap.
  • Later lees ons van hoe Petrus vir Jesus verloën. 

Op hierdie plek van Jesus se verhaal word Hy van buite en van binne bedreig. In ons eie lewens word ons van buite en binne bedreig. 

  • Wat is die goed in jou lewe wat jou van buite bedreig? Dalk iets of iemand by die werk of by die skool? Ek is hierdie week bv. deur my mediese fonds bedreig. 
  • Wat is die goed in jou lewe wat jou van binne bedreig? Soms is dit jou beste vriende wat jou inloop, jou man of vrou wat jou verraai, kinders wat droogmaak, jou beste vriend wat jou verneuk en laat bankrot speel. 

Daar kan ekstra klem op die eerste lettergreep van die woord nagmaal geplaas word, want tydens hierdie maal is dit vir Jesus nag! Ons eie lewens is soms nag. Vir Lukas is die nagmaalstafel nie ‘n simbool van lekker lag en saameet nie. Hier is die tafel die simbool van ‘n gebroke en stukkende wêreld. 

En aan Jesus se tafel daardie aand in die bovertrek was dit voorwaar ook ‘n Survivor-situasie... en die Een wat daardie aand in die “tribal council” uitgestem is, was niemand anders nie as Jesus self. 
Maar dit is juis die punt. Dit is waarom Lukas dit met ons deel. Jesus stel nie die nagmaal in in ‘n vreedsame atmosfeer met rustige vioolspel en laggende vriende nie. Nee, dit is juis in die swartste nag denkbaar dat Jesus se: Vir My is dit vir eers die einde, maar vir julle, ten spyte van julle rugstekery en gekonkel, is dit die begin. Ja, die man wat my verraai, eet nou saam met ons, maar dít is juis die wêreld waarheen ek gekom het. Mense wat gesond is, het nie ‘n dokter nodig nie. Mense wat geestelik versadig is, het nie die brood en wyn van die nagmaal nodig nie. Jesus kom dus ons gebroke wêreld binne, die wêreld soos wat ons dit goed ken, met al sy gebrokenheid en gebroke mense. Jesus sê Hy is nie op aarde om vir ons te wys hoe om hierdie Survivor speletjie te wen nie. Nee, Jesus is op die aarde vir almal wat uitgestem is, vir almal wat nie goed genoeg was nie. 
Jesus kies teen die Survivor leefstyl. Hy kies die ander, die onselfsugtige weg. Só word Hy ook die weg vir ons. 

  1. Van Survivor na Lukas 9:10-17 (Vermeerdering van die brood)

Jesus kom in ons donkerste nagte in ons wêreld, van jou en my wêreld, en stel die nagmaal in en sê: Dit is presies waarvoor ek gekom het - vir ‘n gebroke wêreld, gebroke lande, gebroke gemeentes, gebroke families, gebroke mense. Juis vir gebrokenes word my liggaam gebreek. 
Dit is die troos van Lukas 22: dat Jesus in ons donkerste nag ‘n nagmaal instel wat se nee, alles is nie verby nie; daar is meer. Die troos is dat Jesus van Nasaret ons donkerste nag binnekom en saam met ons deur daardie nag loop. Hy loop selfs deur die dood voor ons uit sodat ons ook agter Hom aan deur die dood sal loop. 
Dit is die troos, maar daar is ook ‘n uitdaging! In vers 19 sê Jesus: “Gebruik dit tot my gedagtenis.” Met ander woorde: Onthou My as julle hier eet en drink. Jesus sê: Eet en onthou. En wanneer jy eet, onthou dat jy is wat jy eet. Julle ken mos die gesegde: jy is wat jy eet. Dit laat my dink aan ‘n grappie wat ek onlangs gesien het... “Hulle se: ‘jy is wat jy eet.’ Snaaks, ek onthou nie dat ek ‘n legend geëet het nie...”
Jy is wat jy eet... Of ons moet dalk eerder se: Jy word wat jy eet. Soos ons in die nagmaal eet en drink, word ons al meer wat ons reeds in Jesus Christus is. Onthou, sê Jesus.

Wanneer ons onthou dan onthou ons dat ons, as gebrokenes, deel is van Jesus se gebroke liggaam wat gestuur is om ‘n gebroke wêreld te herstel. Dít is die wonderwerk van die nagmaal. Hierdie gedagte het my laat dink aan ‘n ander wonderwerk in Lukas, hierdie keer in Lukas 9. Julle ken dit as die vermeerdering van die brood. Jesus neem 5 brode en 2 vissies, kyk op na die hemel en vra die seen. Toe breek Hy dit en gee dit vir die dissipels om aan die mense voor te sit. Almal het geëet en almal het genoeg gekry. 
Jesus breek die brood, Sy liggaam, en gee dit vir ons. Ons word deel van Sy liggaam om as gebrokenes ander te voed. Die nagmaal is Lukas se 2de vermeerdering van die brood. Jesus neem Sy liggaam, Hy breek dit en gee dit vir ons, sy dissipels, sy volgelinge, om aan die mense van die wêreld voor te sit. Sodat almal kan eet en dat almal genoeg kan kry. Is die vermeerdering van die brood nie ‘n pragtige beeld vir die nagmaal nie? 
* Dit is die aha! lig wat moet aangaan by nagmaal! 

  1. Van Survivor na Mattheus 5:6 (geseënd is dié wat honger en dors na wat reg is)

Wanneer jy die nagmaal gebruik, moet jy besef jy is deel van Jesus se liggaam. Jy is deel van die groter liggaam, as jy dit besef, as jy dit werklik besef..., sal jy ophou om die survivor speletjie te speel. Jy sal ophou fokus op jouself en jy sal na die groter liggaam begin kyk. 
Om die fokus weg van jouself te skuif beteken nie om minder van jouself te dink nie, dit beteken om minder oor jouself te dink. 
Mattheus 5:6 sê: ”geseënd is dié wat honger en dors na wat reg is!” 
Wanneer jy die kans kry om te kan eet en drink by die nagmaal, moet dit jou ook laat dink aan die wat honger en dors is, die wat nie kan eet en drink nie, die wat nie by die nagmaal tafel is nie. 
Jy moet ook dink aan die natuur en die hulpbronne van ons wêreld wat misbruik word vir ‘n survivor-speletjie, waar die rykes baklei vir die miljoen dollar, en die armes lankal nie meer ‘n plek het aan die tafel nie. 

Ek wil julle vanoggend vertel van iemand wat honger en dors na wat reg is. Ek wil julle vertel van iemand wat iets verstaan van die nagmaal, en wat iets daarvan verstaan om deel te wees van die groter liggaam wat nie op eie gewin gefokus is nie. 
Wie het al gehoor van Gretha Thunberg? Onthou hierdie naam. Hierdie is ‘n 16 jarige Sweedse meisie wat die hele wêreld op roer het oor haar honger en dors na wat reg is vir die aarde en ons natuur. 
Sy het verlede Maandag wêreld-leiers toegespreek by 'n Verenigde Nasies kongres, kom ons kyk ‘n kort video oor wat sy gesê het en hoe mense daarop gereageer het:

*Kyk video van Gretha Thunberg deur op hierdie skakel te klik: https://youtu.be/43q15ncwzWo
Kan julle haar passie sien? Is dit nie ongelooflik nie? Mens kan dalk sê dis sleg om te sien hoe kwaad sy word, maar dan moet jy onthou... sy veg nie teen mense nie, sy veg vir geregtigheid!
Wat my nog geraak het is haar mooi ingesteldheid. Gretha het van Swede af op 'n seilboot gereis sodat haar reis na Amerika geen fossielbrandstowwe verbruik nie. Sy het baie keer van haar hotel af na haar TV onderhoude gestap, sodat sy nie die publieke vervoer hoef te gebruik nie. Gretha is iemand wat verstaan wat dit beteken om deel te wees van 'n groter liggaam, Gretha is iemand wat honger en dors na wat reg is. Sy het 'n oulike toespraak op TED talks waar sy praat oor hoop, sy sê ons het hoop nodig, maar daar is een ding belangriker as hoop. Dit is ons dade, ons aksies, dit wat ons doen. Sy sê: in plaas daarvan om vir hoop te soek, soek aksie, soek optrede, want dit is ná die aksie en optrede wat hoop sal kom. Of anders gestel: dit is die aksie en optrede wat hoop bring. Dit is in die aksie en optrede wat die brood uitgedeel word. 

Op eie bodem is dit ook die jongmense wat die voortou neem vir die beskerming van God se natuur. Hier is 'n foto van skoolkinders wat verlede week betoog met 'n petisie wat hulle by die parlement gaan inhandig het. Tydens die betoging is 'n beroep op skoolkinders gemaak om aan te hou veg vir die volhoubare gebruik van natuurlike hulpbronne. Een van die kinders, Temwani Bruhns, 'n Graad 10 leerling van die DHPS, het 'n oulike beroep gedoen op NamPower. Temwani het voorgestel dat NamPower hul leuse van "Powering the nation" moet aanpas na "empowering the nation", want sy droom van 'n land waar elke huis 'n sonpaneel het.
Dit is ook meer as net optogte, die kinders dryf inisiatiewe op verskeie vlakke. Kom ons kyk bietjie na wat in ons skole aan die gang is: 

  • WHS het verlede week deelgeneem aan die Nasionale Skoonmaak dag.
  • WAP het hier in Eros ons buurt skoongemaak.
  • Gimmies adverteer volhoubare produkte.

Ons hoop, ons aksies, sit in ons jeug. Dis ook hoekom ons die BATZ-groep (dis nou ons graad 4-6e) vandag nooi om aan die nagmaalstafel te kom sit. Nagmaal se tekens word uitgedeel.

Woorde wat op die bord wys terwyl Erik speel:
Terwyl die tekens uitgedeel word, lees en dink na oor die betekenis van die woorde van die lied wat begelei word:
"Schmücke dich, o liebe Seele"
Adorn yourself, O dear soul, 
leave the dark pit of sin,
come into the bright light,
begin to shine gloriously;
for the Lord, full of salvation and grace, 
now has invited you as guest.
He who can rule over heaven
would find his dwelling within you. 

Instelling van nagmaal:
Instelling en almal gebruik nagmaal in stilte. 

Offergawes:
Wat ons vandag uit Lukas geleer het is dat die nagmaalstafel 'n plek is van ontvang, ons ontvang nuwe lewe in Jesus wat 'n ander weg is as die Survivor-lewe. Maar die nagmaalstafel is ook 'n plek waar ons die oproep ontvang om deel te word van wie Christus is, en dat ons 'n rol het om te speel vir geregtigheid. Ons is die liggaam, die brood wat vermeerder. 
Daarom... wanneer ons nou geleentheid gee vir die gee van ons offergawes. Mag jou aksie om jou 10de te gee 'n simbool wees van jou erns met die nagmaal, mag dit 'n getuienis wees van jou deelname aan die liggaam van Christus. 

Gebed vir offergawes:
10de Maand is om die draai, dit is die tyd waar ons droom oor ons finansies by NG Eros. Ons droom om so goed moontlik by God se plan vir ons aan te sluit, maar daarvoor het ons die finansies nodig. Ons mikpunt vir 2019 se 10de maand is 1 Miljoen dollar. Dit is darem nie Amerikaanse dollar nie. Ons weet dis ‘n groot mikpunt, maar ons weet God het groot drome vir ons gemeente, kom ons bid saam...

Ekologiese geloofsbelydenis: (Wys op bord terwyl Erik speel) na die slotlied!
‘n Ekologiese geloofsbelydenis
Vertaal uit A rainbow over the land (E.M. Conradie, D.N. Field)

Ons glo in God, die almagtige Vader, wat uit liefde die aarde vir alle mense gegee het. Ons glo dat ons as mense ‘n spesiale deel van die skepping is, en dat elke deel van die skepping ‘n kosbare geskenk is om te gebruik en in liefde na om te sien. 
Ons glo in Jesus Christus, wat die koninkryk laat kom, die skepping genees, en deur sy dood en opstanding die vrede van God aan mense bied. 
Ons glo in die Gees van God, wat oor die waters gesweef en orde in ons wêreld gebring het.
Ons wil glo in die skoonheid van eenvoud, in liefde met oop hande. 
Ons waag dit om te glo in ‘n nuwe mensheid, waar geregtigheid sal floreer, respek vir die hele skepping sal gedy, en vrede ‘n werklikheid is.
Ons. Uiter vanoggend ons oortuigings terwyl ons hier herinner word aan die liefde van God, die genade van Christus en die gemeenskap van die Gees.

Amen

'n Video-opname van die preek: https://www.facebook.com/NGErosGemeente/videos/386785355546045/

Preeknotas Sondag 22 September 2019 - Fourie van den Berg

Verder met die Goeie Nuus soos en as kinders

Ons lees in Markus 3:19 En aan Simon het Hy die bynaam Petrus gegee; en verder Jakobus, die seun van Sebedéüs, en Johannes, die broer van Jakobus— aan hulle het Hy die bynaam Boanérges gegee, dit is, seuns van die donder”. Wat se bynaam is “Boanérges, seuns van die Donder”?  Dieselfde woord vind ons ook in Ps.55:15 Ons wat innig met mekaar omgegaan het, in die huis van God gewandel het met die woelige skare.” Die woord “donder” kom van “bronte” en sy oorspronklike betekenis is om geraas te maak. Om “Woelig” te wees, opgewonde, entoesiasties, gelukkig, vrolik, met oorgawe, energie, passievol, vreugde, bly. Dit het niks met verwoesting of vloek te doen nie (donner/bedonnerd). Dit sê vir ons hoe ons in die koninkryk moet arbei: met entoesiasme, opgewondenheid met blydskap, energiek en ywerig. Ons moet nie net hoorders van die Woord bly nie, maar entoesiastiese en opgewonde draers en daders of doeners van die Goeie Nuus (Evangelie) wees.
Ons fokus vandag op “om verder met die Goeie Nuus te gaan. . .  soos, en as kinders”.  As iemand al jou bewegings, aksies, betrokkenheid, woorde, gesprekke in een week dophou en dit analiseer, wat sou dit wys en wat sal daar uitkom? Waarmee hou jy jouself besig? Met wat? Wat doen dit aan jou? Hou dit jou entoesiasties . . .oor die lewe, oor jouself, mense, toekoms, oor God, die Goeie Nuus? Sal jy saam my stem dat die meerderheid mense vandag hulle entoesiasme verloor het vir die lewe, en vir hulle lewens? Is jy entoesiasties oor jouself, jou lewe en die lewe? Is dit nie so dat mense vandag eerder seuns van die ‘donner en bedonnerd’ is nie? Ongelukkig, kwaad, lusteloos, moeg, afgemat, traag, moedeloos, gefrustreerd, verbitterd, negatief, pessimisties, passief, krities, geïrriteerd, nors, klae-kouse, doem-profete, uitsigloos, beskuldigend en verwytend? Iemand skryf dat dit tot “compassion fatigue” lei, met ander woorde dat mense net nie lus is om iemand te help nie, want hulle het geen krag en energie oor nie as gevolg van al die gewig wat hulle in hulle eie lewens dra. Sal so iemand jou beïnvloed en motiveer om so te lewe? Sou jy so ‘n persoon se geloof volg?
Gelowiges, christene is veronderstel om die GOEIE NUUS te ken, dit te glo wat hulle ontvang het en dit verder moet vat.   Tog is daar baie redes hoekom hierdie mense van die GOEIE NUUS dit nie meer as GOEIE NUUS sien nie. Die GOEIE NUUS is vir hulle ou nuus, hulle het te gewoond geraak daaraan, doodgewoon is gewoon dood, hulle is bederf met te veel  goed, dis te te blasé, hulle besef nie wat hulle het nie en is nie dankbaar daaroor nie, hulle tel nie hulle seëninge nie, besef nie hoeveel hulle eintlik het nie. Dis geen wonder dat ons geen effek op die wêreld het met die Evangelie se GOEIE NUUS nie, want ons is nie woelig, opgewonde, vol entoesiasme, passie en energie nie, ons tree nie op met vreugde, vrolikheid, genot en pret daaroor nie.
Jy het nodig om te hoor dat, al het jy die beste nuus en teologie, as dit nie in jou lewe sigbaar is nie, sal dit geen effek op enige ongelowige hê nie. So die tema van vandag is: Is jy werklik opgewonde oor die lewe – oor jou lewe? Indien nie. . .
Hoe word mens meer entoesiasties en tree jy op met meer entoesiasme, opwinding, energie, passievolheid, gelukkigheid, genotvolheid, vrolikheid, voldoening en vreugde? Onthou, entoesiasme is die verskil in die lewe. Dit maak die verskil in hoe mense hulle lewens leef. Die meeste mense wat ek en jy bewonder as suksesvol, is entoesiasties. Dis die geheim! Dit gaan nie oor geld, “luck” of vermoëns nie . . . Hulle is opgewonde en passievol oor hulself en dit waarmee hulle besig is en wat hulle doen. Entoesiasme maak dat hulle nie doodgewoon voorkom nie, maar as besonders en begaafd. Entoesiasme is die sleutel. Jy kan daarmee veel meer vermag as wat jy dink en dis ook die nommer een faktor wat mense na Christus getrek het. Die eerste gelowiges was passievol, opgewonde, vrolik, vol vreugde oor die GOEIE NUUS en dit het hulle met entoesiasme laat lewe in ‘n baie slegte en donker tyd. Dit het mense geïnspireer om te glo wat hulle glo en om dit na te gevolg. Elke dag is daar mense tot die Christelike beweging bygevoeg (Hand 2:47)
So hoe  raak ons weer entoesiasties? Lees Matt 25: 1 “Dan sal die koninkryk van die hemele wees soos tien maagde wat hulle lampe geneem en uitgegaan het om die bruidegom te ontmoet. 2 En vyf van hulle was verstandig en vyf dwaas. 3 En toe die wat dwaas was, hul lampe neem, het hulle geen olie met hulle saamgeneem nie. 4 Maar die verstandiges het olie in hulle kanne saam met hul lampe geneem. 5 En terwyl die bruidegom talm om te kom, het hulle almal vaak geword en aan die slap geraak. 6 En middernag was daar ‘n geroep: Daar kom die bruidegom; gaan uit hom tegemoet! 7 Toe staan al daardie maagde op en maak hulle lampe gereed. 8 En die wat dwaas was, sê aan die verstandiges: Gee vir ons van julle olie, want ons lampe gaan uit. 9 Maar die verstandiges antwoord en sê: Miskien sal daar nie genoeg wees vir ons en vir julle nie. Maar gaan liewer na die verkopers en koop vir julleself. 10 En onderwyl hulle gaan om te koop, het die bruidegom gekom. En die wat gereed was, het saam met hom ingegaan na die bruilof, en die deur gesluit. 11 Later kom toe die ander maagde ook en sê: Meneer, Meneer, maak vir ons oop! 12 Maar hy antwoord: Voorwaar ek sê vir julle, ek ken julle nie.”
Jy kan ook soos die 5 dwase meisies jou olie uitleef op ander goed, wêreldse goed (…life happens . . . ) najaag soos geld, posisie, status, besittings, jou werk, trouble in jou lewe oor sonde, stres onnodige bekommernis en vrees, en ‘n klomp verantwoordelikhede eindig in ‘n dodelike roetine waar mense net nie meer lus en krag vir die toekoms het nie en hul “boots” wil  ophang. Die gevolg dat jy geen ekstra olie om jou entoesiastiese navolging van Jesus oor die GOEIE NUUS vol te hou nie. Wanneer jy geen olie het nie, het jy geen entoesiasme en opwinding, oorgawe, krag, passie, energie vir die GOEIE NUUS nie.  Daar is geen olie oor om te brand nie, want dis uitgebrand en jy niks gedoen het om dit vol te maak nie en jy het geen ekstra olie nie, dis net leeg. Hoe maak jy dan?
Daar was 2 houtkappers. Die een het verwoed aanhou kap terwyl die ander een kort kort gerus het. Maar nie om te rus nie, hy het die lem skerp gemaak tydens rustyd.  Die een net aangehou meedoënloos te werk terwyl die nader een tyd gemaak het om die tande van die lem skerp te maak. Wat beteken dit?

  1. Gaan oor ‘n Ingesteldheid en gesindheid. Waaroor gaan die lewe? Wat is belangrik? Wat gaan jy met “vandag” doen? Lees Heb 3:13  “maar solank daar nog ‘n vandag is spoor mekaar aan  . . . nie verhard” Spoor mekaar aan om entoesiasties te bly oor “vandag”, want vandag is ‘n geskenk waarin soveel opwindende dinge lê. Dis wat geloof is, naamlik om die goeie en die mooi te verwag en te vertrou In plaas daarvan om dit as ‘n straf te sien,  kies jy hoe jy ingestel is en wat in jou is.  Kies vir die verwagting en om die mooi en die goeie raak te sien in plaas van al die verkeerde en slegte dinge, denke dat die lewe hard en moeilik is, in die sweet van aangesig…
  2. Leef met ‘n “asof” ingesteldheid – gemoed volg gedrag. Staan elke dag met entoesiasme en opwinding – verwagting en afwagting goed/mooi – tree op in elke situasie op asof jy entoesiasties is in plaas daarvan om so ernstig en swaar te leef, want “all work and no play makes Jack a dull boy.
  3. Moenie toelaat dat omstandighede jou emosies en gesindheid bepaal en beheer nie, want jy moet in beheer van jou innerlike wees. Dit kan donder en blits van storms om jou, maar jy kan die sonskyn in jou binneste laat skyn.  Hoe?
  4. Deur nie net na die sigbare dinge te kyk nie, maar na die onsigbare (2 Kor. 4:18),  want sê Paulus as jy net na die sigbare (issues, tough, verantwoordelikhede, moeilikhede, eise, pligte, trouble) gaan kyk, gaan jy innerlik, geestelik, moeg word en uitsak (v16)
  5. Maak ‘n keuse om van jou bagasie ontslae te raak, om alles wat jy of ander verkeerd gedoen het en wat die rede of oorsaak vir jou ellende is, vry te kom en vergifnis te kry.
  6. Maak ‘n keuse om jouself nie met ander te vergelyk nie, want dit maak jou mismoedig. Onttrek van negatiewe mense wat jou olie opgebruik en steel.
  7. Maak ‘n keuse om iets te doen wat jou olie sal terugsit en ekstra olie sal bring.  Iets wat lekker is om te doen en jou energie gee eerder as dat jy nes ‘n rot op ‘n draaiwiel hardloop oppad nêrens heen nie en jou net moeg en gefrustreerd laat. Wat doen jy wat jou energie gee en oplig? Oefen, golf, Bybel lees, bid, eredienste, stokperdjie, fliek, lees…Jy is verantwoordelik om jouself innerlik te versterk. “To renew and refresh the 4 dimensions of our natures — physical, spiritual, mental, and emotional — so that we’re more effective in our life’s work”.
  8. Leer weer speel en lag en om dinge te geniet.

 
Speel, lag, sing, geniet en genot is die skokbrekers wat die houe en stampe van die lewe absorber!
Speel:
Wat was jou lekkerste speeding as kind? Hoekom? En nou? Ons speel nie meer nie, ons werk en bekommer ons net oor alles. Het jy geweet, voor enigiets bestaan het, het God in die heelal gespeel. Maar om alleen te speel is nie lekker nie. Toe speel God met lig, kleure, geure, water, wind, voëls, visse en diere. Toe skep God die aarde en alles daarop deur te speel. Toe gaan sit Hy op die grond en speel met klei en skep hy ‘n grond of klei mannetjie en blaas sy asem speels daarin. Dit word toe ‘n lewendige mens wat saam met God speel en loop en diere name gee.
Daar is geen skepping, geen lewe, sonder speel nie. Speel is lewe, want dis lekker, opwindend, genotvol en jy is gelukkig as jy speel, plesierig, kreatief en verrassend, lig. Jy is vry en sonder kommer as jy speel. Lees Spr. 8:3 “For me, every day is pure delight, as I played in his pres­ence all the time, play­ing every­where on his earth, and delight­ing to be with humankind.  
Spelende kinders is die metafoor vir Jesus se boodskap van Goeie Nuus - Matt 11:16-18: Hy speel ʼn lied en nooi ander om saam te dans en te sing, maar hulle bly nors sit. Die Jode het nie gehou daarvan van hoe Jesus en die dissipels opgetree het nie. Nie gehou van die liefdevolle gespeel het met armes en uitgeworpenes nie. Die Jode het hulleself vroom gehou en wou nie saamspeel nie. Kinders wat nie saam speel nie, bederf die spel... SPOILSPORT!!! Sonde is om van die aksie van speel te vergeet: speelvergetenheid = “Spielvergessenheit”
Jesus bring ‘n ander, ‘n nuwe, werklikheid: Om lig te lewe, is om spelend te leef. Die Rede? Hoekom? Wat dryf dit? Vryheid! Genade! Vergifnis! Vryspraak! Verbintenis met die spelende God, want jy sien . . . dis die GOEIE NUUS wat ons van ons God ontvang.  Hoekom? Want Hy is Jahweh, die God by uitstek wat speel. Hy word in die Midrash (Joodse geskrifte) voorgestel as Deus Ludens, God die fontein van spel en en pret (Spr 2:6). Westminster Kategismus 1647: God het die wêreld geskep vir sy eie genot, en ons hoogste doel is om God te verheerlik en Hom vir ewig te geniet en spelend te lewe. Luther sê speel gee sin aan menswees! Die duiwel is die teenspeler en nie mense nie. Jy moet oppas dat jy nie ook spelbrekers word wat teen die bedoeling van die spelende God lewe nie.  Vir sommige Christene is dit ondenkbaar dat God self speel en dat spel nuttig is. Ons moet ernstig wees en ons gesigte openbaar juis ons gebrek aan erns aan dit wat regtig nodig is! Kyk hoe ernstig het mense baklei oor die naaldwerk op Sondae, grimering, sport, dans en popmusiek, oor Sondag koerante lees en so meer. Maar die HART van GOD is nie ernstig genoeg opgeneem nie!  Dat God liefde is, vryheid is, genade is! Dan kan jy nie met swaar gemoed en woede lewe nie. Arnold Van Ruler sê tussen geloof , hoop en liefde kies hy vreugde! Hy skryf in “Verhuld bestaan”:  As jy jou goed verdiep in wie God is en wie Jesus werklik is, dan sit daar iets ontsaglik vrolik in wat jou die hele dag innerlike pret laat hê, want Jesus het opgestaan!
Jurgen Moltmann sê die Christelike verstaan van die opstanding, bevry mense van vrees en bemagtig jou om anders te lewe. Hoekom? Want die betekenis van die dood het verander toe Jesus die dood oorwin het, sodat niemand weer vir sy angs en verskrikking bang hoef te wees nie. Selfs in die lig van lyding, oorlog en geweld. Moltmann “How is it possible to play and laugh when people die in wars and violence?”  You turn to play, not as a way of turning away from the harsh realities of violence and struggle, but as a way of practicing the resurrection life that lets us imagine alternative futures . . . .
 
Jy sien dis wat speel doen. Daarom het ons die eienskappe en waardes van speel nodig:
-      Spel het sy eie wêreld. Dit verlig die druk en die erns van die lewe. Dit help jou om ‘n bietjie afstand te kry en dit help jou om die lewe te hanteer.
-      Speel is kreatief en verbeeldingryk. Speel maak dit moontlik om ander dimensie van die lewe te sien. Al spelende leer ons ook om die inkongruensies van die lewe te hanteer.
-      Speel maak jou aanpasbaar. Speel gaan nie oor wie wen en wie speel nie, dis (gewoonlik) eg. Wie saam speel, kan ook nie passief bly nie. Wie saam speel, doen dit met verstand, emosie, hart, siel en sintuie.
-      Speel is om gewone dinge op ongewone manier te doen.
-      Speel is Vryheid - vrywillig sonder dwang. Innerlike onbegrensdheid
-      Speel sonder doel soos om te wen, die spel self is die doel!
-      Speel bou verhoudings en bevorder menseverhoudinge.
-      Alle spel het grense en reëls. As jy dit breek, dan verander speel in huil. Daar is sekere speletjies wat jy nooit moet speel nie. Soos om met die sonde te speel, om die “fool” te speel. Om buite die grense van die huwelik met ander te speel. En om met mekaar speletjies te speel, en mekaar teen mekaar af te speel. En laastens, om met God se genade en liefde te speel.
-      Vreugde en blydskap is resultaat van speel. Die gee lewensenergie!
SPEL is nie ʼn krag nie, maar ‘n energiebron! Dis die uitdrukking van lewe in ons.
Hoe entoesiasties en lewendig jy is, word bepaal deur hoeveel jy speel. Leef jy speels?
Jy sien speel is verdieping van menswees en nie vervlakking van menswees nie.  En speel is nie ‘n oproep tot ligsinnigheid, oppervlakkigheid en onverskilligheid nie, maar ‘n oproep om dit wat die kern van die Evangelie is (Goeie Nuus oor die opstanding) te omarm! En die klem daarop te laat val.
 
 
Lag:
 
Die lewe is nie ‘n grap nie maar lag is wel 'n verbintenis met die hemel. Dit is ons konneksie met die wêreld van waar ons kom en waarheen ons gaan as ons sterf, maar vir nou is ons pelgrims in iemand anders se wêreld (Joh 12:31) gewapen met vreugde en lag . .  "Lag is ons grootste en effektiefste wapen want lag is die swaard wat die bose beveg en die knope van die lewe los wikkel” - Gordon Alport
Die Griekse woorde vir lag is “Pantote Xiaro” en die  Hebreeuse woord is  “Shawak”. Dit het met pret te doen en kom daarop neer dat jou gesig begin speel en dans as jy lag en jy lyk ook dan op jou mooiste. Grootmense moet geleer word om weer te kan lag soos ‘n kind.  Die goeie lag, want baie grootmense ken van slegte lag soos vir swak of vuil grappe, oppervlakkig en ligsinnigheid; vir ander of mekaar uitlag; om te sê “ek gee nie om nie” en sinies te grynslag …. Die duiwel ken nie die goeie lag nie. Goeie lag is om te lag oor die humor in die lewe. Onverwagse, snaakse, lekker, mooi goeie, plesierige lag, Van die mees bevrydende ervarings is as jy ook vir jouself kan lag. God lag . . . kruis - Selfs die rotse, berge en die natuur het gelag oor die kruisdood van Jesus. Die gelag is gesneller deur die woord "Tetelestai" Dis is volbring - dit is verby – nou lag God! Hoor jy God lag?
 
Job sê te midde van al sy lyding en ellende: “die Here laat die regverdige lag.” Paulus en Silas het in die nag in die gevangenis lofliedere gesing. Paulus skryf uit die gevangenis, waar hy op die beslissing oor sy lewe gewag het, ’n brief aan die gemeente in Filippi. Die hoofgedagte van dié brief is blydskap - drie keer skryf hy: wees bly, ek herhaal, wees bly! Om te lag soos kind moet as grootmens aangeleer word. Dit begin deur te glo in God soos ‘n kind, want jy kan nie lag as jy nie glo nie en as jy twyfel nie. Jy kan net lag as jy glo in God dat Hy bestaan, dat Hy goed is, Hy is in beheer, jy kan Hom 100% vertrou, want die lewe is mooi. Ek is ‘n geskenk, daar is hoop, ‘n toekoms, goeie goed wat wag, dinge in my lewe wat beter is en verander. Dit maak dat ek bly en vol vreugde is, want sien …..
 
Dinge wat jou lag steel, jou laat verouder en vir jou plooie bring is God se “anti-wrinkle” room en innerlik verjong, oplig, faith-lift gee wat teen dit werk wat jou lag en glimlag verouder, verrimpel, steel, smoor en doodmaak. Wat is dit wat lag (en olie) steel, smoor, verouder en selfs doodmaak? Bekommernis/stress, vrees/angs, geheime/skelm, skuld / gevoel, probleme/sonde, depressie, teleurstellings, foute/mislukkings, verwyte, woede, hartseer, pyn/siekte/slegte gesondheid, trauma, konflik, slegte verhoudings, ernstig/stroef/swaar, gejaagd, oorvol, ongedissiplineerd/ geen grense/reels, skuld, gierig, wellus/vraatsug, negatiewe ingesteldheid, foutvinderig, ontevrede/klae, selfbejammering/onregverdig, slegte leefstyl gewoontes, bid/lees nie…
 
Almal ervaar en belewe dit en dis reg so, want die lewe kan nie anders nie, dit laat jou huil, laat jou seerkry, wek bekommernisse ens. Maar dit hoef nie daar te bly nie.  Onthou, jy moenie hier bly nie, maar vorentoe beweeg en dit vra GELOOF. Want geloof, wat ‘n werkwoord is, is nie net ‘n kop ding nie, maar ‘n aksie. Dit wek vertroue, veranker liefde, vergewe, vry, versoen, vrede, dankbaar/lof/prys, tevrede, vergenoegd, vervuld, vol, vreugde- lof/prys, dissipline, reels, grense, stadiger, geen waarborge, verander, verlig, verbeter, gebed/Bybelstudie/kerk, vrygewig,  entoesiasme, positiwiteit, waag, nuuskierig, opgewonde, lig op en bring glimlagte.
 
In Mark. 2 maak godsdienstige Jode (ernstige mense/fronse) beswaar dat Jesus en Sy dissipels nie ernstig genoeg is nie. Jesus antwoord: Ek bring die bruilof. Deur Hom maak God vir jou ’n huweliksaanbod. Daar is fees! As jy rêrig met God getroud is, verander dit jou hele lewe. Jesus bring God se glimlag oor die aarde tot in jou hart.  God lag. Die gevolg is dat die lewe vir jou ligter word. Jy hoef nie so besorg te wees oor jouself nie, want God is besorg oor jou! Jy kan maar lag oor jouself, oor al jou gesukkel en foute.
 
Lag het dieselfde impak en effek op jou liggaam as fisieke oefen . . . Humoroloë noem lag innerlike draf, "workout" want lag:
"       vergroot die binnevoering van die bloedvate  en dra by tot die gemaklike vloei van bloed deur die are wat jou effektiwiteit en kreatiwiteit verhoog. Jy het dan meer verbeeldingskrag, en dit gee jou 'n hoër vermoë om probleme op te los.
"       verhoog en verbeter die asemhaling sisteem. Lug beweeg vinniger as 200km/h, wat tot gevolg het dat jy meer energie en lus het want:
"       verlaag slegte hormone soos: Kortisol, dopamine en bloedsuiker - wat beteken dat dit spanning en bloeddruk verlaag en pyn verlig. Jou liggaam se eie 'stress releaser" en Medisyne
"       verhoog goeie hormone: DHEA, hemoglobien A, endorfiene en glukose-toleransie wat beteken dit beveg virusse en bied weerstand teen infeksies en dit bewerk 'n gevoel van genoegdoening - voel sommer net GOED.
"       stimuleer die neurosisteem, omdat dit soos 'n dwelmmiddel werk en jou 'n  "high" gevoel gee 
" en dit werk terapeuties: ontwapen, kan nie veg en baklei nie, dit breek skeidsmure af, versoen, verbind, herstel en verstewig verhoudings en snoer mense saam, verlig spanning en verlaag angs, en as jy daarvoor kan lag kan jy daarmee saamleef.
"       dit is beter as verjongingsgesigroom, want dit hou jou gesig jonk. Meer as 15 spiere werk saam wanneer jy lag - "Lag is die son wat die winter van die mense se gesig verjaag".
"       laat jou aan niks anders dink as jy lag nie - dit laat jou vergeet (al is dit vir die oomblik) - tipe van meditasie – “Laughter is like changing a baby’s diaper – it doesn’t solve any problems, but it makes things more acceptable”  dis soos golf.
"       maar die heel beste is van lag is - DIS VERNIET!!! 
 
"Laughter is God's hand on the shoulder of a troubled world" en "What soap is to the body, laughter is to the soul".
 
Dis wat God wil bereik? Dat sy groot glimlag in jou hart sal weerkaats. Jou glimlag die weerkaatsing van sy liefde uit jou hart op ander mense sal skyn. En of jy lag en glimlag, sal  afhang of daar genoeg van God se lag en geloof in jou hart is? Hoor jy God lag?
 
Geniet en Genot
 
Pred. 3: 12 “Ek het tot die insig gekom dat daar vir 'n mens niks beter is nie as om vrolik te wees en die goeie van die lewe te geniet. Dat die mens kan eet en drink en onder al sy arbeid nog die goeie kan geniet, ook dit is 'n gawe van God.”
 
Waarom nie wie jy is, wat jy het, nie geniet nie? . . . Die geskenk, die weg, die nuwe juk van Vryheid en van toegang en vryspraak, vergifnis, van regop loop en dans  . . . swaar word draaglik, ernstig word ontspanne, donker word lig, sweet word “sweet”. Dis hoekom jy kan geniet en as ‘n geloofsdaad genotvol kan leef en nie vleeslik, wild, onverskillig, los nie, maar geestelik op grond van en as gevolg van genade wat alles verander het deur die GOEIE NUUS – wat jy verder moet vat en leef . . .  soos ‘n kind van die donder. . .  vol olie – entoesiasme – oor die lewe en oor God en oor die beste beste nuus . . .  die GOEIE NUUS  . . .
Spr. 15:5 “Dit gaan sleg met ‘n bedrukte mens, maar die blymoedige mens se hele lewe is ‘n fees . . .want daar is niks beter vir die mens as om vrolik te wees en die goeie van die lewe te geniet”
 
In kort: Ons moet weer die ou woord VERKNEUKEL ontdek en hoor: om met voldoening (entoesiasme, vreugde verheuging) te lewe  . . . soos kinders . . .  met die . . .Genade van genotvolle genietinge en die genadige geniet van genot. Dit is die olie om ons innerlike vlammetjies van entoesiasme en opwinding oor die lewe, oor my lewe brandend te hou . . . daar verder  . . .Want volgens Hos 6:6 is dit wat die Here soek . . . toewyding, entoesiasme, opgewondenheid en toegewydheid in ons verder gaan saam met Jesus.

 

Amen

'n Video -opname van die preek: https://www.facebook.com/NGErosGemeente/videos/688518741656673/

Preeknotas Sondag 15 September 2019 - Fourie van den Berg

Verder met die Goeie Nuus  - Hoekom?


God boer met Goeie Nuus van genade en liefde. Ons lees in Miga 7:18 “Wie is 'n God soos U? U vergewe sonde, U straf nie die sonde van dié wat uit u volk oorgebly het nie. U bly nie vir altyd kwaad nie, U betoon liefde. Hy sal ons weer genade betoon, Hy sal ons sonde tot niet maak, U sal al hulle sondes in die diepsee gooi. U sal getrou wees teenoor Jakob, liefde betoon aan Abraham, soos U in die voortyd aan ons voorvaders met 'n eed beloof het.”
 
God het alle mense so lief dat Hy Sy Seun stuur as Goeie Nuus met Goeie Nuus om ons lewens wat vol Slegte Nuus is met die Goeie Nuus te vervang sodat die Koninkryk van God nl. iets van die hemel in jou lewe sal aanbreek en dat jy dan verder sal boer. Boer met wat? Met die Goeie Nuus, die Evangelie om die Koninkryk van God in mense se lewens te laat kom. Ons is almal agente van die Koninkryk van God om met Goeie Nuus, die Evangelie verder te  evangeliseer. Hoe doen jy dit? Ons kyk na 3 verhale, stories van 3 mense om ons te help.
 
Storie 1: Johannes 4
Jesus is op reis en beplan ‘n afspraak met ‘n vrou by die fontein van Jakob naby die dorpie Sigar. Dis ‘n vrou wat deur die mense van Sigar verwerp, veroordeel en vervreem was, omdat sy gevaarlik was en met hulle mans gelol het. Daarom het hulle haar uitgestoot en verstoot. Daarom is sy eensaam en alleen 12uur die middag by die put om water te skep, vuil, grys water. Toe praat Jesus met haar, nie vernederend nie, raas en baklei of skel nie, stry en beskuldig nie soos die mense van Sigar nie, maar voer gewoon ‘n ordentlike, geduldige, menswaardige gesprek terwyl sy tydens die gesprek aanvallig, ongelukkig, kwaad en bakleierig geword het. Die gesprek eindig met ‘n vraag: ‘Waar is jou man?’. Die vraag dop haar lewe total en al om – soveel so dat sy haar kruik daar los en terug gaan na die plek waar sy nie welkom is nie om daar vir die mense te gaan sê dat daar ‘n man is wat alles van haar af weet (geheime en skandes) en nog steeds na haar uitreik en met haar praat. Nie om haar te misbruik of met haar te raas en te baklei nie. Hy kon omdat Hy alles van haar af weet, alles van haar persoonlike lewe wat sy gedoen het en wegsteek en van af weghardloop het. “Dit het Hom nie van my af weggedryf soos so baie kere vroeër in my lewe nie, maar ten spyte van dit eerder vir my lewende water aanbied wat ek my hele lewe lank na gesoek het”. Soos water vir ‘n dorstige mens, was Sy woorde  - v29 “Kom kyk, hier is 'n man wat my alles vertel het wat ek gedoen het. Is Hy nie miskien die Christus nie?”
 
Haar “martoria” (martelaar) getuienis en haar woorde oortuig die mense, omdat Jesus met haar gepraat het oor dit waarop sy haar hart gesit het, wat haar hart gesoek het, wat haar diepste wense en begeertes was nl. liefde en aanvaarding, dus die GOEIE NUUS. Hy is daar op die vlak snik hete warmte en deur dit wat Hy vir haar sê, verander dit die mense wat nie van haar hou nie, se harte en lewens en kom hulle ook tot geloof in Jesus op grond van haar woorde in vers 39 “Baie van die Samaritane in daardie dorp het tot geloof in Jesus gekom op grond van die woorde van die vrou wat getuig het: “Hy het my alles vertel wat ek gedoen het.” Nog baie meer van hulle het toe tot geloof in Hom gekom op grond van wat Hy gesê het; en hulle het vir die vrou gesê: “Ons glo nie meer op grond van wat jy vertel het nie, want ons het self na Hom geluister, en ons weet dat Hy waarlik die Verlosser van die wêreld is.”
 
Storie 2: Lukas 19
Jesus loop deur die stad Jerigo om met ‘n spesifieke man ‘n afspraak te hê, naamlik Saggeus. Hy is die hoofbelasting invorderaar, ‘n gehate man in die distrik, want hy het die ekonomie onder geweldige druk geplaas en mense verarm en besigheid moeilik gemaak. Mense het ekonomies swaar gekry oor die man. Jy kan jou indink hoe hy oor homself moes gevoel het, oor wat mense van hom gesê en gedink het. As die man van diens af kom, het hy in totale isolasie, eensaamheid en vrees geleef vir sy lewe. Die man hoor dat Jesus in die stad is en so skelm skelm, kruip kruip op klim (seker nog vermom ook) in ‘n boom net om Jesus te sien, omdat hy kort was, maar ook nie dit gewaag het om tussen die skare te staan nie. Dan sien Jesus hom in die boom en sê “Saggeus, kom gou af, want Ek moet vandag in jou huis tuisgaan”
 
Die mense was woedend ontsteld en kwaad dat ‘n goeie man, ‘n profeet en Rabbi in die huis van so ‘n skelm en bedrieër tuisgaan. Eintlik mag Hy nie meer naby sulkes (melaatses, samaritane, vroue, krankes) gekom het nie, wat nog aan huis kom. In sy huis moes daar iets baie besonders gebeur het. Sy hart word omgekeer en word hy van die valse goed waarop hy staatgemaak het nl. geldgierigheid en hebsug en materialisme en mag, bevry as hy opstaan en “lego”- praat, bevestig, leer, opdrag, adviseer , ‘mean-to-say” v8 “Kyk, van nou af gaan ek anders lewe. Daarom gee ek nou die helfte van alles wat ek besit vir die armes. In die verlede het ek baie mense verkul met geld. Maar ek gaan daardie geld vierdubbel aan hulle terugbetaal.” Iets gebeur in Saggeus se huis wat sy lewe verander  “Vandag het God jou lewe splinternuut gemaak omdat jy My in jou huis toegelaat het. Jy tel nou ook onder die kinders van Abraham. Almal wat in My glo, is sy nageslag.” Hy word soos wat sy naam “zakka” wat skoon en rein beteken. As hy dit wat hy het, gebruik en gee om ander se lewens goed en beter te maak – dit wat eers sy lewe geneem en ander se lewens sleg gemaak het, word nou dit wat hulle lewens goed maak. Daarmee sit hy kos terug op mense se tafels en verander die hele omgewing ekonomies en word hy jare later die eerste biskop in Sesarea.
 
Storie 3: Johannes 1
 Jesus is weer op reis (al 3 stories gebeur op reis. Dit sê iets van beweging, kinesteties – gaan/aktief vs staties, passief) en roep Sy eerste dissipels, Filippus, Andreas en Petrus en oppad sê Filippus vir sy vriend Natanael ons het Hom gekry van wie Moses geskrywe het, sal kom om ons te verlos, Jesus van Nasaret, kom kyk. En toe Jesus vir Natanael sien het Hy gesê “Hier is ‘n ware Israeliet, ‘n man in wie daar geen bedrog is nie” Hierdie woorde slaan sy voete onder hom uit, omdat dit waar was van hom (sy diepste wens en begeerte) en nou sê en prys iemand hom vir dit (wat nie baie gebeur het nie). Dit beteken dat die man, Jesus, sy diepste identiteit  ken nl. opregtheid, eerlikheid, deursigtigheid te wees, na man van karakter wat ‘n goeie lewe gelewe het teenoor ander mense.
 
In al 3 stories is daar ‘n goue draad: Jesus reis en weet van alles en tog ten spyte van dit reël Hy  ontmoetings met almal. “Ek had hier gesit en wag vir jou” Andre P Brink. Daardeur sê Hy: Ek doen dit om uit te reik na jou en persoonlik te raak, diep en intiem en om dit waarna hou hart soek en smag te gee. Dis asof Hy net vir jou ken en met jou praat. Dit is hoe baie mense vir my sê hulle in preke voel:
“It seemed to me, pastor, as if that sermon was meant for me, there were points in it which were so exactly like myself, that I felt sure someone had told you about me, and there were words and sentences so particularly descriptive of my private thoughts, that I was sure no one except God knew of them. I perceived that God was in the gospel speaking to my soul.” Yes, and it always will be so. The gospel is the great revealer of secrets, it is a discerner of the thoughts and intents of the heart. Jesus Christ in the gospel knows all about your sin, all about your seeking, all about the difficulties which you are having. This ought to convince you that the gospel is divine, since its teachings lay the heart bare, and its remedies touch every spiritual disease  . . “. Dis waartoe ons geroep word en gestuur word, om te gaan doen en  verder met wat ons het,  die Evangelie te versprei, te evangeliseer. In hierdie 3 stories kom 3 vlakke of maniere van evangelisasie na vore en wys dit ons hoe om te evangeliseer en hoe om die GOEIE NUUS wat jy gekry het (verlede week 8 Sep 2019 se preek) verder te vat.
 

  1. Praat - gebruik woorde, logika, feite – dat die GOEIE NUUS mense se harte penetreer
  2. Gee - middele, bronne – gee wat jy het te help – word dit die GOEIE NUUS tasbaar
  3. Doen - dade - leef, integriteit – goeie en toegewyde lewe beliggaam jy die GOEIE NUUS

 
In al die stories praat Jesus met hulle, nie soseer oor die GOEIE NUUS nie, maar bied Homself as GOEIE NUUS aan vir dit (die valse goed) waarop hulle staat gemaak het om geluk van te kry en waarop hulle vertrou het vir vervulling en diep satisfaksie. Die weg het egter misluk en hulle op slegte plekke laat beland. Daar het Hy na hulle uitgereik – wat iets sê van hulle is waardevol en kosbaar vir Hom. Hy het Hom nie op hulle afgeforseer, hulle laat skuldig voel of om deur vrees mense te oortuig nie.– Hy het eerder oor die liefde en genade van die GOEIE NUUS gepraat. Die gevolg is dat ‘n hele dorp se harte verander, dat daar lewende water vloei en die GOEIE NUUS in hulle lewens inkom. Prakties: Wat sê jy vir mense daagliks, wat se woorde gebruik jy? Soos die vrou se woorde oor en van mense voor en na die ontmoeting by die put verander van “vermy, veroordeel, haat, ongelukkig, beskuldigend”  na “opgewonde, bly, hulp, kom kyk, ek het gekry, gevind waarna julle soek, innerlike vrede, vreugde, vergifnis, bevryding van verslawing, woede en haat. Kom ons praat woorde van GOEIE NUUS en deel dit net met enige een en elkeen op jou pad. Iewers in die gesprek oor iets van die Evangelie en die Goeie Nuus praat.

  • Verlede: vergifnis, nie straf, skryf af maar woorde van liefde en genade
  • Hede: God by en saam ons + sal sorg en voorsien. . .
  • Toekoms: vertroue en hoop . . .  goeie kom, nuwe kanse

 
“Is dit nie ‘awesome’ dat God voorsien en sorg (wortels) sodat ons kan glo en vertrou dat dit sal goed gaan met ons in die toekoms nie? Moenie so depressief en mismoedig wees nie, kom ek bid jou.” 
 
Pasop om te dink jy praat GOEIE NUUS – eintlik word dit as slegte nuus gehoor:
 

  • Saggeus word vry van dit wat hom beheer en vashou.  Geld wat hy eers net vir homself gebruik het, gee hy nou om die GOEIE NUUS te wees vir ander. Jou middele en jou bronne (wortels) kan die GOEIE NUUS vir ander sigbaar en tasbaar maak sonder enige woorde. Gee dit vir God uit dankbaarheid en nie om Sy guns en seën te kry nie of om Hom te beïndruk nie! Prakties: jou kar, jou huis, jou kwalifikasie, beroep, ervaring, posisie, mense jy ken kan alles manière word hoe jy dit vir die een wat jy meet e doen het, jou pad kruis se lewe goed te maak – die GOEIE NUUS te beleef en in lewe te ervaar

 

  • Jou karakter – integriteit. Hoe jy lewe teenoor ander spreek en praat harder as woorde: om mense in te sluit, nie meerderwaardig, sagmoedig, met deernis, omgee, barmhartigheid, empaties – selfloos en nie selfsugtig en egoïsties nie, maar om te lewe met opregtheid, eerlikheid, waarheid, regverdigheid, genadiglik – en nie met ‘n reg/verkeerd en ‘n verdoemende gesindheid en leefstyl nie. Prakties: steel nie, skinder nie, verlekker nie, baklei nie, beskuldig nie, veroordeel, verdoem nie, nie agterbaks,  eerlik, betroubaar, vertrou, getrou, werk hard, konfidensieel.

 
Wat sal die gevolg wees?
 
“Verder sê Jesus vir hom: “Dit verseker Ek julle: Julle sal die hemel oop sien en julle sal die engele van God sien op- en afklim na die Seun van die mens toe.” JOHANNES 1:51
“Luister nou mooi na wat Ek sê: Julle sal God se woonplek in die hemel sien oopgaan. Voor julle oë sal die engele van God van die Seun van die mens af opgaan daarheen en dan terugkom na Hom toe.” JOHANNES 1:51 NV
 
Hoekom verder gaan . . . met die GOEIE NUUS?
 
Het jy agtergekom dat Jakob in al 3 stories is? Kom ons kyk na sy lewe. Kyk na wat en hoe die GOEIE NUUS aan hom gedoen het. Wat die GOEIE NUUS deur ons woorde, middele, dade aan en vir mense kan doen, want mense bevind hulle soos Jakob op verskillende krisis plekke: die waarvoor jyself verantwoordelik is, waarvoor ander verantwoordelik is, gewoon net rampe en terugslae. In Genesis 28 vind ons hom epic en life-changing plek in sy lewe, op vlug van sy broer iewers in die veld naby die stad Lus, onder die sterrehemel. Hy is iemand wie se lewe ‘n gemors is en uitgerafel het oor hy nog altyd net homself, sy eer en voordeel en geluk, gesoek het. So ken ons hom, dié een wat met sy geboorte al sy tweelingbroer Esau aan die hakskeen vasgehou het om te keer dat hy voor hom gebore word; wat, die oomblik van Esau se swakheid uitbuit en die eersgeboortereg en 'n hele erfporsie inpalm met 'n pot lensiesop. Jakob, wat die vaderlike seën voor sy broer se neus wegraap deur sy gryse, blinde vader te bedrieg! Maar nou het sy bedrog hom ingehaal! Hy is op vlug vir sy woedende broer wat hom wil doodmaak! Sy bravade en slim planne is so 'n bietjie weg! Die prys van sy bedrog is toe baie hoër as wat hy ooit kon droom! Immers, wat maak ʼn mens met jou verkeerde besluite, jou dade waarmee jy ander mense belieg en ingedoen het, waarmee jy God onteer het? Jy kan dit nie ontvlug nie! Soos ʼn skaduwee agtervolg dit jou. Voor hom lê meer as seshonderd kilometer voor wat hy te voet moet aflê tot in Haran. En hyself is nie veel ouer as 'n tiener nie. Sal hy dit maak? Sal hy die pad kry? Sal hy veilig wees? Sou hy ooit weer kan terugkom? Sê nou maar Esau haal hom in? Sê nou maar net dis die einde? Sê nou...?!
 
Dit was vrae wat sekerlik oor en oor, om en om, in sy kop gemaal het. Toe die son sak gaan lê hy sommer van pure uitputting op 'n plek in die veld, sommer net ‘n plek,  sleep hy 'n klip nader as kopkussing en gaan lê hy. Ek kan my voorstel dat Jakob redelik onrustig en benoud lê en rondgerol het totdat die slaap uiteindelik oorgeneem het! En toe droom hy. Dis nie ʼn normale droom waarin al die opgehoopte spanning van die dag ontlading vind nie. Dit is so helder, so onverwags, so aangrypend! Hy sien net hier waar hy slaap ʼn leer op die aarde staan en die bopunt daarvan steek tot in die hemel. Engele, as boodskappers (dienaars) van God, klim op en af met die leer. “Toe kom staan die Here by Jakob en sê (28:13) God Self kom staan by hom! Dit moes vir Jakob 'n nagmerrie wees. Wat gaan God nou sê of doen? Want vir die Ou Testamentiese gelowige het God vir net één rede van Sy troon af opgestaan en dit was om te oordeel! En hoeveel rede het Hy nie om Jakob te oordeel nie? Doodbenoud moes Jakob sekerlik gedink het: my dag het gekom, die oomblik van afrekening het aangebreek! Hy het sy broer en sy pa bedrieg, en nou al vlugtende loop hy hom teen God self vas! Jakob se lewe van selfsugtigheid het doodgeloop. So eindig ʼn narsistiese, selfsugtige lewe maar altyd, in ontnugtering, spyt en vrees (Tiger, Hansie…). En tog, ontaard die droom nié in 'n nagmerrie vir hom nie! Dit is 'n Godsverskyning aan Jakob, ja, wat inderdaad vrees by hom ingeboesem en hom laat uitroep het: “Hoe skrikwekkend is hierdie plek! Dit is niks anders nie as die huis van God; dit is die poort van die hemel”. Vir hom was hierdie maar net 'n gewone ('n toevallige?) oornagplek op sy vlug..., 'n ongerieflike rusplek op sy moeilike pad. Maar skielik word dit 'n fokuspunt van God se teenwoordigheid! “Die Here is op hierdie plek, en ek het dit nie besef nie!”
 
Die Here was hier – GOEIE NUUS was hier– Mal 7: vol genade en liefde – vergifnis. En Verander dit sy grootste lewenskrisis in die poort van of na die hemel! Dié plek word 'n toegang tot die hemel, die ontmoetingsplek tussen hemel en aarde! Hoekom? GOEIE NUUS: as God vanuit die hemel met Jakob begin praat, hoor hy die ongelooflike, presies die teenoorgestelde van wat hy verwag het: “Ek is die Here, die God van jou voorvader Abraham, die God van Isak”. Die Here stel Homself bekend as die God van die verbond wat deur die geslagte heen getrou sy beloftes van verlossing waar sál maak! Maar hier maak Hy nog twee byvoegings: die Here beloof dat Hy by Jakob sal wees en dat hy hom sal beskerm waar hy ook al die onbekende ingaan! Wat 'n verrassing! God kom na hom toe, nie om hom te oordeel nie, maar om hom tot stilstand te ruk op hierdie bedrieglike pad waarop hy nog altyd sy heil op sy eie manier wou uitwerk en om ʼn nuwe begin met hom te maak, Hom as’t ware opnuut in sy groot verlossingsplan in te trek! Want hy (ons)  is en bly die draer van God se beloftes van seën! God se verlossingsplan vir sy mense en met sy mense gaan deur, ten spyte van mense, daarvoor sal Hy self sorg! Met hierdie bevestiging kan Jakob met moed die vreemde ingaan! Hoor mooi sy bedrog word nie goedgepraat nie en die gevolge daarvan was nie uitgewis nie. Maar hy het God (en sy teenwoordigheid en kontak met Hom deur sy engele) nie verloor nie . . .  en dít is die GOEIE NUUS! Inderdaad, ʼn nagmerrie vol troos!
 
Dit gebeur mos dat ons probleme by geleentheid net te veel word, dat ons sleg slaap, soms nagte lank lê en rondrol, kussing soos ‘n klip voel, omdat dinge ons inhaal en bevind ons ons in ‘n krisisplek. Hoe kyk jy na die krisisplek...? Sien jy dit as die tóégaan van die hemel bokant jou..., of as ʼn toegang tot die hemel? Hang af hoe jy daarna kyk. Die GOEIE NUUS sê jy moet na jou grootste krisisse, jou angste en onsekerhede kyk, as die poort van die hemel. Sien dit as ʼn ontmoeting met God - al is jy ook, soos Jakob, self vir jou krisis, moeilikheid verantwoordelik! Die ironie van Jakob se lewe was juis dat hy beplan en gedoen het asof die hemel toe was, asof God nie weet nie en nie sal sorg nie, asof hy self moet sorg! Daarom wys die Here vir hom en vir ons op ʼn besondere manier (droom) die hemel is oop, was nog altyd oop!
 
Kom ons hoor dat krisisplekke – heilige plekke is – plekke van ontmoeting met lewende God en plekke van nuwe beginne is. Sien dit as die plek waar God in jou lewe ingryp. ʼn Plek van besinning oor die gang van jou lewe. Sien dit as ‘n plek waar God sê: hou op weghardloop! Maar hoor ook vanuit die oop hemel: “Ek is die Here die God van Abraham, Isak en Jakob” wat al die beloftes van verlossing, van versorging en krag en ware geluk en ʼn nuwe lewe, ewige lewe vir jou, sal waar maak! Ek is die troue God wat die garingdrade van jou uitgerafelde lewe gebruik om vir jou 'n nuwe toekoms te weef! En onthou, Ek gaan saam met jou op hierdie pad. Ek ís beskermend teenwoordig by jou! Maar jy, bly jy by My vol verwagting en vertroue dat Ek meer van jou lewe kan maak as jyself; dat net Ek werklike voorspoed kan bring! Bly by My met jou hele lewe ingeskakel in my Koninkryk!
 
Dít is die GOEIE NUUS, heerlike troos, die enigste wat ons het en nie net reën, sterker ekonomie, verhouding, werk, tenders, kids presteer, wen  . . . nie!
 
Punt is: die GOEIE NUUS is dat God verander plekke- krisisplekke na die poort van die hemel – en dit verander mense soos Jakob (bedrieer, sklem, agterbakse, skynheilge mense). Presies dit sê Jesus vir Natanael: “Voorwaar Ek sê vir julle, van nou af sal julle die hemel geopend sien en die engele van God opklim en neerdaal op die Seun van die mens”(Joh.1:52). Jesus het al die afbrekende bose magte wat die hemel vir ons probeer toehou, van hulle krag en mag ontneem deur sy dood en opstanding! En vir ons, benoude “vlugtelinge”, wie se selfverlossingspad doodgeloop het, die hemel oopgemaak. Hy het ons toegang na die reddende God geword, die waarborg van God se verlossing vir ons! Geliefdes, God kan oneindig meer van jou lewe maak... as wat jy self kan (x2)!
 
Dalk is ons grootste krisis nie ‘n krisis nie, maar ons manier van kyk daarna en hanteer daarvan; dat ons die harde lewe op aarde, ons sonde, foute en gebrokenheid los van die hemel, los van God probeer sien? Daarom, begin via die kruis, leer heen, na bó te kyk, dan sal jy die duisende engele sien en God aan die bopunt wat bereid staan om saam te gaan – saam met jou, al is jy ook ʼn onheilige verbondskind! Verras sal jy dan uitroep: my krisis was toe al die tyd ʼn heilige plek, God is hier teenwoordig en ek het dit nie besef nie. Dit sal jou laat droom en nie ʼn nagmerrie wat waar word nie, maar van God se nuwe toekoms vir jou!
 
GOEIE NUUS is die Leer van die hemel wat van na my en jou toe kom, ongeag waar en hoekom jy op ‘n klip slaap. Dit word die plek die toegang, die nuwe begin na die hemel. Die GOEIE NUUS is om deur woorde, middele/dienste, dade en goeie lewe die leer van die aarde na die hemel vir mense - sien hulle God en die engele. As Jy en as ons GOEIE NUUS: praat, gee, doen – is ons ‘n leer tussen die hemel en die aarde!

Amen

'n Video-opname van die preek: https://www.facebook.com/NGErosGemeente/videos/472502153597014/

Sondag, 08 September 2019 09:00

Verder 2019: Verder...om te wat?

Geskryf deur

Preeknotas van Sondag 8 September 2019 

Verder...om te wat?

 

Ons begin vandag die laaste termyn se tema. Ons het in die eerste termyn gekyk na “Dieper met God” wat oor persoonlike geestelike verhouding gefokus het. In die tweede termyn het ons gekyk na “Nader aan mense” wat op verhoudings met mense naby aan ons gefokus het. Nou in die derde termyn gaan ons kyk na “Verder of wyer” na die gemeenskap.  By die aanhoor hiervan wil ek vra: VERDER - OM TE WAT? Hoekom? Waar en wie? Die vrae se antwoord lê in ‘n ander vraag naamlik,  met wat verder? Verder . . . met wat?
As gelowige het jy iets gekry, verniet ontvang en gekry wat jy verder na ander moet vat. As jy weet wat jy het, sal jy weet wat om daarmee te maak, wat om verder en wyer daarmee te maak.

Wat het jy en ons as gelowiges gekry?

Ons kyk na twee Ou Testamentiese tekste en twee Nuwe Testamentiese tekste:

“Bring vir Jerusalem die goeie nuus, sê vir hom sy swaarkry is verby . . .Klim op 'n hoë berg en roep hard, Sion, jy wat die goeie nuus moet bring; roep hard, Jerusalem, jy wat die goeie nuus moet bring, moenie bang wees nie. Sê vir die stede van Juda: “Julle God is hier!” Die Here God kom, Hy is die Magtige, Hy regeer. Hy bring die volk saam wat Hy Syne gemaak het, dié wat aan Hom behoort, is by Hom.” JES 40:2, 9-10

“Hoe wonderlik klink op die berge die voetstappe van hom wat die goeie nuus bring, wat vrede aankondig, wat die goeie nuus bring, wat redding aankondig, wat vir Sion sê: “Jou God is Koning!” JESAJA 52:7

“Toe sê die engel vir hulle: “Moenie bang wees nie, want kyk, ek bring vir julle goeie nuus van groot blydskap wat vir die hele volk bestem is. Vandag is daar vir julle in die stad van Dawid die Verlosser gebore, Christus die Here!” LUKAS 2:10

“Nadat Johannes in die tronk opgesluit is, het Jesus na Galilea toe gegaan en die evangelie van God verkondig. Hy het gesê: “Die tyd het aangebreek, en die koninkryk van God het naby gekom. Bekeer julle en glo die evangelie.” MRK1:14-15

Wat volgens hierdie tekste, het ons gekry en ontvang en word vir ons gegee? Jesus vertel ‘n storie om dit waarvoor Hy gekom het en dit wat Hy vir ons kom gee het, te verduidelik:

“'n Samaritaan wat op reis was, het op ‘n man afgekom wat halfdood geslaan is deur rowers, en toe hy hom sien, het hy hom innig jammer gekry. Hy het na hom toe gegaan, sy wonde met olie en wyn behandel en hulle verbind. Toe het hy hom op sy rydier gehelp en hom na 'n herberg toe geneem en hom daar verder versorg.” LUKAS 10:33-34

Jesus self het ook dit gedoen:
“Toe Hy die menigtes sien, het Hy hulle innig jammer gekry, want hulle was moeg en hulpeloos soos skape wat nie 'n wagter het nie. Hy sê toe vir sy dissipels: “Die oes is groot, maar die arbeiders min. Bid dan die Here aan wie die oes behoort, om arbeiders uit te stuur vir sy oes.” MATTEUS 9:36-38

Wat ons verniet, sonder verdienste in Jesus ontvang het, moet ons VERDER vat. Dit het met SIEN, VOEL, en DOEN te doen.  Wat is dit? Die EVANGELIE van GOEIE NUUS!

Jesaja word in die slegste tyd van die Jode se lewe, geroep om die goeie nuus te verkondig. Die engele bring jare later die goeie nuus in baie slegte omstandighede. Goeie nuus in slegte tye – ons tyd? Dis sulke Goeie Nuus dat selfs Jesus dit vertel: Markus 1:14 ’n Rukkie daarna is Johannes in die tronk gestop. Jesus is toe terug Galilea toe en het vir mense begin vertel watter goeie nuus God vir hulle het.

Die Woord Goeie Nuus kom van Griekse woord EUAGGELION – evangelie af. Die voorvoegsel EU beteken goed. Dis van waar die woord “eufories” kom. En AGGELOS, is die woord vir boodskapper. Dis van waar die woord ENGEL vandaan kom. Goeie Nuus bring ‘euphoria’. Dit het vreugde tot gevolg. Dit lig jou gemoed op, want die Goeie Nuus is nie ‘n stel geloofsoortuigings of net ‘n konsep nie. Nee, dit is tasbaar, eg, waar en realisties. Dis van ‘n totaal nuwe epistemologie, ’n  wêreldsiening, ‘n ‘grid’ of ‘operating system’ wat jou hele lewe bepaal. Kom ons kyk vanoggend na wat die goeie nuus is. En is dit nog Goeie Nuus vir jou? Is dit net doodgewoon? As iets gewoon geword het, is dit gewoon dood.

As jy iets in iemand kon verander wat sou dit wees?  As ___ net sal leer om ___ te verander!  Wie en wat sal dit wees? Dit waarna mense die meeste smag en soek is VERANDERING.  Verandering in die ekologie: weer/reën, ekonomie, regering, onderrig, hospitale, wet/orde, geweld, rassisme, rasse verhoudings, huwelik, kind, jyself nl. gesonder, gewig verloor, slegte gewoontes stop, meer bid en Bybel lees, hoër integriteit, eerlik en opreg.

Die eerste en belangrikste ding jy oor die Evangelie van Goeie Nuus moet weet, is dat die Goeie Nuus verander. Dit verander mense se lewens sodat God in mense se lewe regeer. Laat Sy koninkryk in jou en deur jou kom.  Hoe? Jesus is die goeie nuus van God vir almal. Die Goeie nuus is dat God Sy Seun na ons slegte wêreld gestuur het met die nuus dat God alle mense liefhet en dat hierdie liefde in elke mens sal kom en jou red. Dat jou saak met God reg en herstel is op grond van God se genade in en deur Jesus, deurdat jou sonde en foute vergewe en vrygespreek word van skuld en straf op grond van God se genade nie omdat jy goed is of iets reg of goed doen nie, of kwalifiseer of dit verdien nie.
“Ek skaam my nie oor die evangelie nie, want dit is 'n krag van God tot redding van elkeen wat glo, in die eerste plek die Jood, maar ook die nie-Jood. In die evangelie kom juis tot openbaring dat God mense van hulle sonde vryspreek enkel en alleen omdat hulle glo. Dit is soos daar geskrywe staan: “Elkeen wat deur God vrygespreek is omdat hy glo, sal lewe.” ROMEINE 1:16-17

Die Goeie Nuus het nie net op jou verlede betrekking nie, maar ook op jou hede. God bring die nuwe begin as hulle die Goeie Nuus aanvaar en glo. Die Goeie Nuus maak dat jy ongeag jou omstandighede, met moed, hoop en vrede leef dat God saam en in jou is om jou te help en krag te gee om deur enigiets te kom. Dat iets nuuts sal gebeur, want sy plan met jou lewe is voorspoed nie teëspoed nie, daarom lewe jy met hoop en vertroue op die toekoms.

“Ek weet wat Ek vir julle beplan, sê die Here: voorspoed en nie teenspoed nie; Ek wil vir julle 'n toekoms gee, 'n verwagting!” JEREMIA 29:11

Goeie Nuus vul jou lewe met die absolute wete en oortuiging dat God vir jou is en nie teen jou nie. Dat Hy Hom oor jou verheug en nie kwaad is vir jou, Hom van jou onttrek of jou straf nie. So dis die Goeie Nuus wat maak dat probleme of rampe of teëspoed nie die oorhand oor jou kry nie en dat jy nie met woede, wraak of vrees en bekommernis lewe nie, want as die Goeie Nuus in jou lewe gebore word en deurslag vind, verander dit alles. Dit verander hoe jy dink, sien, praat en doen. Dis wat jy ontvang het om jou eie lewe te verander, maar ook om dit verder na ander mense te vat, soos die Samaritaan wat sien, voel en doen.

“Maar 'n Samaritaan wat op reis was, het op hom afgekom, en toe hy hom sien, het hy hom innig jammer gekry. Hy het na hom toe gegaan, sy wonde met olie en wyn behandel en hulle verbind. Toe het hy hom op sy rydier gehelp en hom na 'n herberg toe geneem en hom daar verder versorg.” LUKAS 10:33-34

Jesus preek in sy tuisdorp die Evangelie van die Goeie Nuus, maar dit eindig sleg. Dit word slegte nuus.

“Hy het ook in Nasaret gekom, waar Hy grootgeword het, en soos sy gewoonte was, het Hy op die sabbatdag na die sinagoge toe gegaan. Toe Hy opstaan om uit die Skrif voor te lees, is die boek van die profeet Jesaja vir Hom aangegee, en Hy het dit oopgemaak en die plek gekry waar geskrywe staan: “Die Gees van die Here is op My omdat Hy My gesalf het om die evangelie aan armes te verkondig. Hy het My gestuur om vrylating vir gevangenes uit te roep en herstel van gesig vir blindes, om onderdruktes in vryheid uit te stuur, om die genadejaar van die Here aan te kondig. . . Almal in die sinagoge was woedend toe hulle hierdie dinge hoor. Hulle het opgespring, Hom uit die dorp uitgejaag en Hom gebring tot op die rand van die berg waarop hulle dorp gebou was, om Hom van die krans af te gooi.” LUKAS 4:16-19, 28-29

Het die goeie nuus in ons tyd nie ook slegte nuus geword nie?

Gal 2:14 Paulus sê vir Sefas en Barnabas – julle het van die reguit pad van die Evangelie van Goeie Nuus afgewyk, omdat hulle nie saam nie-Jode wou eet nie.

Het ons nie vandag van die reguit pad van die Goeie Nuus afgewyk sodat die Goeie Nuus meer Slegte Nuus geword het? Is die goeie nuus nog goed? Vir jou? Glo jy nog in die slegte tyd die goeie nuus? Ons ken die grappie van “ek het vir jou goeie en slegte nuus, wat wil jy eerste hoor?” In die grappe is die die Goeie Nuus gewoonlik slegter as die slegte nuus! Die die Goeie Nuus is nie die Goeie Nuus nie, want die slegte nuus oordonner die goeie nuus.

Oordonner die Slegte Nuus nie vandag ook die Goeie Nuus nie? Dit maak dat mense hulle rug op God draai, omdat hulle nie meer glo dat Hy kan help nie. Hulle verlaat kerke, omdat hulle voel God laat hulle in die steek. Hy help nie, Hy is weg, Hy is kwaad vir ons en straf ons. Kerkmense leef so sleg en verkeerd dat mense nie die die Goeie Nuus in hulle lewens sien nie en gelowiges is nie meer opgewonde is oor die Evangelie, die die Goeie Nuus oor Jesus nie.

Het die die Goeie Nuus nie alleen maar reën, goeie ekonomie, gesondheid, voorspoed, ensovoorts geword nie?

Hoe kan ons weer Goeie Nuus, goed maak? Die Goeie Nuus weer nuut maak?

Vir ‘n begin is dit nie iets jy of ek kan doen nie, maar iets wat aan en met jou gedoen moet word.

“Ek sal julle 'n nuwe hart en 'n nuwe gees gee, Ek sal die kliphart uit julle liggaam uithaal en julle 'n hart van vleis gee. Ek sal my Gees in julle gee en Ek sal maak dat julle volgens my voorskrifte leef en my bepalings gehoorsaam en nakom.” ESEGIËL 36:26-27

Ek het weer nodig om die Goeie Nuus in my lewe te ontvang, sodat dit in my gebore sal word.

“Van toe af het Jesus begin preek en gesê: “Bekeer julle, want die koninkryk van die hemel het naby gekom.” MATTEUS 4:17
Sodat ek vanuit dit sal lewe, sal sien in die spieël, sal praat, sal voel en sal doen (wat en wie en deur die venster daarbuite sien).

In kort: as die evangelie van die Goeie Nuus in jou lewe is en deel is van jou, dan verander dit jou hele lewe, jou gedrag, optrede, gesprekke, gesindheid en maak jou positief, bring opwinding, en gevoel van lewe in oorvloed.

Verlede – Jesaja 1: Al was jy skarlakenrooi van sonde, jy word vergewe, vrygespreek,  vrygemaak, versoen en ontvang vrede.
Hede – Jesaja 43: Jy moenie bang wees nie, want God is by jou. Hy ken jou naam. Jou naam is op Sy palm gegraveer. Met God spring jy oor ‘n muur, lewe jy met moed en hoop ten spyte van omstandighede wat goed of sleg is.
Toekoms – Jeremia 29 : Vertrou en hoop, want jy glo met absolute oortuiging dat die nuwe kom, dat dinge gaan verander en beter gaan word. Glo dit en sê dit vir mense wat negatief en moedeloos is.

Goeie Nuus is soos ‘n kombers wat jou toevou, cover, comfort, troos, kalmeer, rus, veiligheid en rede gee. As die Goeie Nuus werklik deel van jou is, dan lewe jy met ‘n innerlike vrede en vreugde. Soos ‘n kombers wat jou toemaak (verlede, hede - jy is “worthy to be loved”, kalmte toekoms) want al sou die vyebome nie bot nie, al sou die olyfoes misluk, en al sou die beeskrale sonder beeste wees, nogtans  sal ek jubel in God my redder, want ek weet  . . . . . 

“Weet jy dan nie, het jy nog nie gehoor nie? Die Here is die ewige God, Skepper van die hele aarde. Hy word nie moeg nie, Hy raak nie afgemat nie en sy insig is ondeurgrondelik. Hy gee die vermoeides krag, Hy versterk dié wat nie meer kan nie. Selfs jongmanne word moeg en raak afgemat, selfs manne in hulle fleur struikel en val, maar dié wat op die Here vertrou, kry nuwe krag. Hulle vlieg met arendsvlerke, hulle hardloop en word nie moeg nie, hulle loop en raak nie afgemat nie.” JESAJA 40:28-31

Is dit nie Goeie Nuus, eintlik die beste nuus in hierdie slegte tyd waarin ons nou is nie?

Vraag is: glo jy dit? Of glo jy dis bog, twak, nie waar nie en lewe jy moeg, moedeloos, ongelowig, aan die einde, kan nie meer nie?

Dan moet jy op die genadetrein klim want dis verniet en waar. Dis nie ‘n fabel, storie, fantasie, ideologie of net goeie advies nie. Nee dis waar en werklik want . . .

“Die Woord het mens geword en onder ons kom woon. Ons het sy heerlikheid gesien, die heerlikheid wat Hy as die enigste Seun van die Vader het, vol genade en waarheid.” JOHANNES 1:14 

Jesus het gekom om ons op die genadetrein te laai, daarom is die uitnodiging nog steeds vandag . . .

“Kom na My toe, almal wat uitgeput en oorlaai is, en Ek sal julle rus gee.” MATTEUS 11:28

“Kom, almal wat dors is, kom na die water toe, selfs ook dié wat nie geld het nie, kom, koop en eet; ja, kom, koop sonder geld en sonder om te betaal, wyn en melk.” JESAJA 55:1

Kom, sodat jou lewe met die Goeie Nuus gevul sal word en jy met en uit die Goeie Nuus sal lewe, sal dink, sien, hoor, praat en doen. Dat jy nuut sal dink en nuut sal doen. (As dit in jou gebeur sal jy dit verder en wyer na ander wil vat en dit vir hulle wil vertel en met hulle sal wil deel, want dis wat mens met die Goeie Nuus doen: jy deel dit!

Maar net as jy dit regtig glo?
En as jy dit glo, sal jy die die Goeie Nuus wees vir ander . . .

Dan sal die Goeie Nuus weer goed wees. As ons die Goeie Nuus word, verder en wyer, sal die Koninkryk van God naby kom.  Die Koninkryk van God is God wat regeer deur my en jou op aarde. Dit is nie ‘n idee, konsep, “pie-in-the-sky” nie, dit is ‘n WERKLIKHEID. Dis ‘n REALITEIT as sleg weer goed gemaak word. Die “hemel op aarde” kom in vorme van vrede, vergifnis, liefde, versoening, vrygewig, veilig, eenheid, mededeelsaamheid, bemoediging, help…

Kom ons wees die Goeie Nuus in die slegte tyd. Kom ons lewe met geloof, vertroue, moed, hoop.  In ons woorde, maar ook in ons dade. Waar ons die wat op die pad van die lewe stukkend lê, help, want ons glo op grond van die Goeie Nuus. “Ek weet wat Ek vir julle beplan, sê die Here: voorspoed en nie teenspoed nie; Ek wil vir julle 'n toekoms gee, 'n verwagting!” JEREMIA 29:11

Is dit nie die beste nuus ooit nie wat ons verder en weier moet gaan wees en met die Goeie Nuus moet gaan. . .

“GAAN na die wat honger is, en julle het My niks gegee om te eet nie; GAAN na die wat dors is, en julle het My niks gegee om te drink nie; GAAN na die vreemdelinge en alleenes, en julle het My nie gehuisves nie; GAAN na die sonder klere, en julle het My nie klere gegee nie; GAAN na die siek en in die tronk, en julle het My nie versorg nie.’  MATTEUS 25:42 (eie aanhaling)

Verder . . . om te wat?
OM MET DIT WAT JY ONTVANG HET , Die Goeie Nuus,  TE GAAN.
Lewe as God se gestuurde - VERDER EN WYER MET . . .  Die Goeie Nuus!

Amen

 

Video-opname kan verkry word by https://www.facebook.com/NGErosGemeente/videos/472502153597014/

Bladsy 1 van 12

Groei

Materiaal vir groei & Bybelstudie

Lees meer

Gemeenskap

Reik uit na die gemeenskap

Lees meer

Koinonia

Interaksie tussen gemeentelede

Lees meer

Kalender

Bly op hoogte van al ons gebeure

Lees meer