NG Kerk Eros Nuus en Gebeure
Maandag, 26 April 2010 23:00

Vroue wegbreek

Written by

Vanjaar sal dit die 14e Vroue-wegbreek van Eros gemeente wees, en vir die 13e jaar by Rock Lodge!  Hierdie naweek het gegroei van 'n handjievol vroue wat die eerste jaar bymekaar gekom het tot 'n groot groep vroue wat jaarliks saam bid, luister, stilword en kuier rondom die vrou se rol in die huisgesin en samelewing.

 

Dit is voorwaar 'n geleentheid om die batterye te herlaai en vroue van alle ouderdomme word uitgenooi om dit by te woon!

 
 
The beauty of a woman
isn't in the clothes she wears,
The figure that she carries,
or the way she combs her hair.

The beauty of a woman
must be seen from in her eyes;
Because that's the doorway to her heart,
the place where love resides.

The beauty of a woman
isn't in a facial mole;
But true beauty in a woman,
is reflected by her soul.

It's the caring that she cares to give,
the passion that she shows;
And the beauty of a woman
with passing years only grows.

Ons wil jou as vrou, oud en jonk uitnooi na 'n besondere naweek om tyd met God te spandeer en weer jou battery te laai!

 

Datum: 9-11 Julie 2010

Tyd: Vrydag 18h00 tot Sondag 11h00

Tema: Naak voor God

Spreker: Dr Schalk Botha (pastorale sielkundige)

Plek: The Rock Lodge, Okahandja

Koste: N$560.00 per persoon (alles ingesluit)

Wat bring ek saam? 'n Vriendin, skryfgoed, gemaklike klere en 'n oop gemoed.

Om jou plek te bespreek: Kontak Betsie Serfontein by 081 129 0123

Maandag, 19 April 2010 23:00

Baklei vir die goeie

Written by

Daar word gese dat die koms van die Here naby is.  Dat ons aan die einde van die tyd gekom het.  Die rede?  Die wereld is besig om rondom ons te verval met aardbewings, as-ontploffings, droogte, reen, besoedeling, uitputting... Mense het  verval in hul morele waardes, en baklei teen en met alles en almal rondom hulle - die duidelike tekens van 'n oorlog.  

En inderdaad, dit is oorlog!  Ons doel op aarde is om elke dag van ons lewe te baklei.  Vir God, vir liefde, vir vrede, hoop, genade, vergifnis.  Vir die goeie, met die goeie.

Dinsdag, 06 April 2010 23:00

Opgestaande Heer!

Written by

Die Heer, die Heer het opgestaan!  Dit is so maklik om te fokus op die negatiewe, die hartseer, die pyn, die lyding, ook van Jesus se kruisiging.  Maar toe Hy die woorde: "Dit is verby/ dit is volbring" spreek, het Hy juis daarmee bedoel dit is die einde van die slegte en die verkeerde, en dit is die begin van die nuwe, die goeie.  Op die derde dag na die kruisiging het Jesus opgestaan sodat ons vandag kan lewe - met geloof, hoop en liefde en weet dat ons KAN, ons SAL en ons GAAN.  Gaan uit en leef daarom Jesus se wonderbaarlike opstanding!

Lees ook die preeknotas van Paasfees.

Maandag, 29 Maart 2010 23:00

Jesus Leef!

Written by

Dis Paasfees.  Een van die grootste hoogtepunte op die Christelike kalender.  Want Jesus het nie net gesterf vir jou en my sondes nie, vir 'n gebroke wereld nie, maar Hy het ook weer opgestaan.  Hoe wonderbaar is dit nie!

Eros bied sy eerste Paas Sangdiens aan ter herdenking en viering van Jesus se lewe, lyding en opstanding.  Kom geniet 'n aand van beeld, musiek en toneel op Woensdag, 31 Maart 2010 om 19:00 in Eros-kerk. 

Vir meer besonderhede, kontak die Kerkkantoor by 226157.

Geseende Paasfees vir almal!

Woensdag, 17 Februarie 2010 23:00

Oesfees 2010

Written by

 

Oesfees 2010 is om die draai!  Dit is een van Eros se groot fondsinsamelingsprojekte - met 'n verskil.  Al die fondse gaan aan behoeftige sosiale en gemeenskapsprojekte geskenk word om so 'n verskil in die minder bevoorregte mense se lewens te kan maak.  Hierdie is een van die baie maniere waarop Eros graag sy "Liefde vir Ander" beginsel wil uitleef.

Vanjaar se mikpunt is om N$600 000 in te samel vir hierdie projekte, maar ons kan dit slegs met jou hulp regkry.  Ons maak staat op u bydrae.

Teken 28 Maart 2010 nou reeds in jou dagboek aan!
Bladsy 14 van 15

Groei

Materiaal vir groei & Bybelstudie

Lees meer

Gemeenskap

Reik uit na die gemeenskap

Lees meer

Koinonia

Interaksie tussen gemeentelede

Lees meer

Kalender

Bly op hoogte van al ons gebeure

Lees meer