NG Kerk Eros Nuus en Gebeure
Donderdag, 19 Mei 2011 23:00

Sit die vitaliteit terug in jou lewe!

Written by

vitalityDie wintermaande se snerpende koue, droogte en winde hoef nie vanjaar 'n houvas op jou te kry nie - dis tyd om jouself te verwarm met gesonde kosse, snoesige klere, vitamien aanvullings en 'n passie vir die lewe.  Net soos jy jou fisiese liggaam met die regte vitamienes en minerale kan instand hou, is dit nou ook die tyd om jou geestelike gesondheid 'n hupstoot te gee.

Eros Kerk begin op 22 Mei met 'n opwindende preekreeks wat jou verhouding met God 'n noodsaaklike inspuiting gaan gee.  In ons geestelike lewe, gaan ons ook dikwels deur 'n kil wintertyd - ons is te moeg en uitgeput vir bybelstudie, voel depressief, verlore en ver verwyder van God en ons naaste, ons is met 'n ysige hardheid gevul. 

Die oplossing vir hierdie louheid in ons, is om terug te keer na die basiese fondasies van 'n gesonde lewe, die boustene wat ons geestelike lewe opmaak. 

Woensdag, 27 April 2011 23:00

Winterwarm

Written by

warm_klereDie winter is om die draai en by Eros Kerk wil ons sorg vir warmte in mense se huise - in die vorm van klere vir minder bevoorregtes, kos vir honger mae en die omgee vir mekaar. 

Ons Oesfees-fondsinsameling vir sosiale projekte was 'n reuse sukses en die fondse wat ingesamel is gaan voorwaar 'n verskil maak in baie lewens.  Dit is die fondsinsamelingsgeleentheid waartydens alles na buite aangewend word.

In April het ons stapels vol klere in die gemeente ingesamel.  Hierdie klere is tydens 'n besonderse mark aan die lae inkomste groepe in die gemeenskap beskikbaar gestel, en tesame met 'n warm jas en dik baadjie het die geleentheid 'n glimlag op hul gesigte geplaas, 'n heerlike warm interaksie tussen die kerk en die omgewing.

Die oorblywende klere sal geskenk word aan die nood in verskeie gebiede van ons land.

Indien u enige verdere skenkings wil maak, of betrokke wil raak by 'n projek, kontak gerus die kerkkantoor.

In Junie-maand nooi ons ook almal uit na ons Pinkster-reeks vanaf 12 - 15 Junie 2011. Elke aand om 18:00 luister ons saam na 'n besonderse boodskap van ons leraars en geniet warm sop en broodjies. 

 

 

Sondag, 27 Februarie 2011 23:00

'n Warm handdruk

Written by

son_webOnthou jy die laaste keer wat iemand jou 'n warm, opregte drukkie gegee het? 

In vandag se lewe is dit so maklik om vir jouself te leef, vir jou eie gesin en jou eie doelwitte en oorlewing, dat jy dikwels vergeet om rondom jou te kyk. Dat jy die hartseer en noodkreet van 'n ander heeltemal mis.  Of net die geleentheid om daardie warm handdruk uit te ruil en iemand se dag op te helder.

By Eros Kerk wil ons van hierdie maand daarna streef om warmte uit te straal in alles wat ons doen - vir ons gemeente, die gemeenskap, mense in nood.  Ons wil graag meer wees as 'n kerk vir sy gemeente, eerder 'n kerk vir die gemeenskap, 'n kerk wat se deure oopstaan vir enige iemand wat die behoefte het aan bemoediging, inspirasie, geestelike vernuwing of persoonlike kontak.

Van die ontmoeting by die deur, tot die koppie tee na die diens, tot die verwelkoming van 'n nuwe gesig, streef ons daarna om gasvryheid uit te leef.

In Maart gee ons praktiese uitvoering aan ons missie van gasvryheid, en sien ons veral uit na:

* Dieper met God preekreeks elke Sondag - ons behandel tans die Name van God uit die Ou Testament

* Straatbraai op 13 Maart 2011 - die unieke geleentheid om saam met ander te kuier en idees rondom gasvryheid uit te ruil

* Mini Cats elke Woensdagmiddag om 15:00 vir 4-7jariges wat wil speel en leer

* Oesfees met Pastoor Kapere op 3 April 2011 - ons samel fondse in vir projekte in die gemeenskap

Maandag, 07 Februarie 2011 23:00

Waar jou hart is

Written by

  strong_heart6 

In ons huidige reeks, Dieper met God, gaan dit nie net oor 'n eie, persoonlike verdieping met die Hemelse Vader nie.  Ja, dit is verblydend om te sien hoe mense se lewens geraak word deur 'n totale oorgawe aan God en 'n dieper soeke na wat Sy doel met elkeen van ons is, maar dit le veel dieper as net 'n onkeerbare liefde en lus vir meer van God in jou lewe.

Dieper met God beteken om deur Hom beter te leer ken, jy ook meer soos Hy wil wees.  En om meer soos God te wees, beteken om minder vir jouself te wees - uit te reik na ander, om te gee vir jou naaste, lief te wees vir mense en die wereld 'n beter plek te wil maak.  Met God aan jou sy, kan jy 'n verskil maak en verdieping bewerkstellig daar waar jy gaan.  God is liefde, straal dit uit!

Sien die volgende paar maande uit na:

  • * Meditatiewe Stildienste elke tweede Sondagaand, vanaf 20 Februarie
  • * Oesfees met Pastoor Kapere, 2/3 April
  • * Paasprogram - 'n reis deur Jesus se lyding en opstanding met Dirkie Smit, 20 - 24 April
  • * Toer na Israel - 29 April 
Maandag, 10 Januarie 2011 23:00

Fokus Week 2011

Written by

 Kry rigting en perspektief vir die jaar met behulp van Eros se Fokus Week vanaf 30 Januarie tot 3 Februarie 2010.  Die weeklange program sluit praatjies deur Dr Jannie Botha en Gerrie Engelbrecht in en skop om 18:00 Sondag, 30 Januarie af, waarna die praatjies elke aand om 19:00 in die Eros kerkgebou sal wees. Tee en koffie sal ook bedien word.

Dr Jannie Botha

Hy is 'n internasionale motiveringspreker wat veral werk met sakemanne, sportlui, die jeug en huwelike.  Sy kwalifikasies sluit in besigheidsbestuur, teologie en sielkunde.  Deesdae spesialiseer hy veral in verhoudingsterapie en bestuur ook 'n sportpraktyk wat gholf, tennis, voetbal, atletiek, perdry, rugby, krieket, swem en hokkie betrokkenheid insluit, onder meer die SA 7's, o/21's en o/19's spanne, asook die Leeus, Cats en Blou Bulle).

Gerrie Engelbrecht

Hy is 'n voormalige, geliefde leraar van Eros Gemeente wat na die Strand in Suid-Afrika verhuis het.  Hier moes hy en sy vrou al verskeie struikelblokke in hul lewe hanteer, waarvan sy gesondheid en probleme met emfiseem, sekerlik die grootste is.  Hy het egter 'n wonderbaarlike herstel gehad, soveel so dat hy besluit het om sy doktorsgraad te voltooi en sy lewenspad met nuutgevonde passie aan te pak!

Bladsy 9 van 15

Groei

Materiaal vir groei & Bybelstudie

Lees meer

Gemeenskap

Reik uit na die gemeenskap

Lees meer

Koinonia

Interaksie tussen gemeentelede

Lees meer

Kalender

Bly op hoogte van al ons gebeure

Lees meer