NG Kerk Eros Nuus en Gebeure
Sondag, 23 September 2012 23:00

Baba-kompetisie

Written by

baba web_frontWenners in baba-kompetisie aangekondig!

Dinsdag, 05 Julie 2011 23:00

Kleingroepe daar vir mekaar

Written by

kleingroep_2

 Verhoudings speel 'n kardinale rol in die uitlewing van ons geloof - verhoudings met ons kollegas, huweliksmaats, vriende, mede-gelowiges, familie, vreemdelinge in die gemeenskap...

Ons bring vandeesmaand die fokus terug na verhoudings wanneer ons spesifiek aandag gee aan die vorming van nuwe kleingroepe wat mekaar op die pad na geestelike groei, en beter verhoudings met mekaar en God, kan lei.

Indien u nog nie aan 'n kleingroep behoort nie, maar wel die behoefte het om saam met mede-gelowiges 'n dieper pad te stap, wil ons u uitnooi om die kerkkantoor te kontak sodat ons u kan verbind met geskikte persone.

Dit mag dalk ook wees dat u reeds aan 'n kleingroep behoort, maar afgestomp is in terme van materiaal wat behandel kan word. Kontak gerus een van ons leraars vir leiding en riglyne vir die beste materiaal vir u groep.

En indien u graag 'n kleingroep op die been wil bring, reeds lede het, maar nie weet hoe om dit aan te pak en te bestuur nie, wil ons u ook vriendelik uitnooi om dit met 'n leraar of die kerkkantoor te bespreek.

Donderdag, 19 Mei 2011 23:00

Sit die vitaliteit terug in jou lewe!

Written by

vitalityDie wintermaande se snerpende koue, droogte en winde hoef nie vanjaar 'n houvas op jou te kry nie - dis tyd om jouself te verwarm met gesonde kosse, snoesige klere, vitamien aanvullings en 'n passie vir die lewe.  Net soos jy jou fisiese liggaam met die regte vitamienes en minerale kan instand hou, is dit nou ook die tyd om jou geestelike gesondheid 'n hupstoot te gee.

Eros Kerk begin op 22 Mei met 'n opwindende preekreeks wat jou verhouding met God 'n noodsaaklike inspuiting gaan gee.  In ons geestelike lewe, gaan ons ook dikwels deur 'n kil wintertyd - ons is te moeg en uitgeput vir bybelstudie, voel depressief, verlore en ver verwyder van God en ons naaste, ons is met 'n ysige hardheid gevul. 

Die oplossing vir hierdie louheid in ons, is om terug te keer na die basiese fondasies van 'n gesonde lewe, die boustene wat ons geestelike lewe opmaak. 

Woensdag, 27 April 2011 23:00

Winterwarm

Written by

warm_klereDie winter is om die draai en by Eros Kerk wil ons sorg vir warmte in mense se huise - in die vorm van klere vir minder bevoorregtes, kos vir honger mae en die omgee vir mekaar. 

Ons Oesfees-fondsinsameling vir sosiale projekte was 'n reuse sukses en die fondse wat ingesamel is gaan voorwaar 'n verskil maak in baie lewens.  Dit is die fondsinsamelingsgeleentheid waartydens alles na buite aangewend word.

In April het ons stapels vol klere in die gemeente ingesamel.  Hierdie klere is tydens 'n besonderse mark aan die lae inkomste groepe in die gemeenskap beskikbaar gestel, en tesame met 'n warm jas en dik baadjie het die geleentheid 'n glimlag op hul gesigte geplaas, 'n heerlike warm interaksie tussen die kerk en die omgewing.

Die oorblywende klere sal geskenk word aan die nood in verskeie gebiede van ons land.

Indien u enige verdere skenkings wil maak, of betrokke wil raak by 'n projek, kontak gerus die kerkkantoor.

In Junie-maand nooi ons ook almal uit na ons Pinkster-reeks vanaf 12 - 15 Junie 2011. Elke aand om 18:00 luister ons saam na 'n besonderse boodskap van ons leraars en geniet warm sop en broodjies. 

 

 

Sondag, 27 Februarie 2011 23:00

'n Warm handdruk

Written by

son_webOnthou jy die laaste keer wat iemand jou 'n warm, opregte drukkie gegee het? 

In vandag se lewe is dit so maklik om vir jouself te leef, vir jou eie gesin en jou eie doelwitte en oorlewing, dat jy dikwels vergeet om rondom jou te kyk. Dat jy die hartseer en noodkreet van 'n ander heeltemal mis.  Of net die geleentheid om daardie warm handdruk uit te ruil en iemand se dag op te helder.

By Eros Kerk wil ons van hierdie maand daarna streef om warmte uit te straal in alles wat ons doen - vir ons gemeente, die gemeenskap, mense in nood.  Ons wil graag meer wees as 'n kerk vir sy gemeente, eerder 'n kerk vir die gemeenskap, 'n kerk wat se deure oopstaan vir enige iemand wat die behoefte het aan bemoediging, inspirasie, geestelike vernuwing of persoonlike kontak.

Van die ontmoeting by die deur, tot die koppie tee na die diens, tot die verwelkoming van 'n nuwe gesig, streef ons daarna om gasvryheid uit te leef.

In Maart gee ons praktiese uitvoering aan ons missie van gasvryheid, en sien ons veral uit na:

* Dieper met God preekreeks elke Sondag - ons behandel tans die Name van God uit die Ou Testament

* Straatbraai op 13 Maart 2011 - die unieke geleentheid om saam met ander te kuier en idees rondom gasvryheid uit te ruil

* Mini Cats elke Woensdagmiddag om 15:00 vir 4-7jariges wat wil speel en leer

* Oesfees met Pastoor Kapere op 3 April 2011 - ons samel fondse in vir projekte in die gemeenskap

Groei

Materiaal vir groei & Bybelstudie

Lees meer

Gemeenskap

Reik uit na die gemeenskap

Lees meer

Koinonia

Interaksie tussen gemeentelede

Lees meer

Kalender

Bly op hoogte van al ons gebeure

Lees meer