NG Kerk Eros Nuus en Gebeure
Sondag, 23 April 2017 09:02

Kleremark

Written by

Ons het op gereelde basis 'n Kleremark op Vrydae waartydens ons tweedehandse klere van gemeentelede teen billike pryse aan die gemeenskap beskikbaar stel.

Donderdag, 06 April 2017 22:24

Lydensweek 2017

Written by

GROOT LYDENSWEEK 10-16 April 2017

Die 46 dae van lydenstyd loop op na die hoogtepunt van die kerklike jaar, nl. Paasnaweek met sy Goeie Vrydag en Opstandingsondag. Dis veral 'n tyd vir nadenke, verdieping, toewyding en dankbaarheid. In ons deurmekaar wêreld wil ons dit hierdie jaar anders aanpak, in lyn met ons jaartema. Ons wil elke lidmaat en enigiemand anders na hierdie besondere week se program nooi. Dit gaan jou anders na Jesus laat kyk.

Maandag 10 April 18:00
Tema: Jesus, die bevryder.
Ons dink na oor Hebr 9:11-15

Dinsdag 11 April 18:00
Paassangdiens

Woensdag 12 April 18:00
Tema: Jesus, die begin en voleinder van die geloof
Ons dink na oor Hebr.12:1-3

Donderdag 13 April 18:00
Joodse ete en Nagmaal

Goeie Vrydag 14 April 09:00
Erediens. Tema: Jesus, die verbryselde.
Ons dink na oor Jesaja 52:13-53:12

Paassondag 16 April 09:00
Feesdiens. Tema: Jesus, die opgewekte
Ons dink na oor Kolossense 3:1-4

Donderdag, 26 Januarie 2017 19:05

Oesfees met Lindie Strydom

Written by

Tydens die naweek van 8/9 April 2017, samel NG-Eros Gemeente weer fondse in vir die nood in die gemeenskap.  Hierdie is 'n jaarlikse fondsinsameling waartydens gemeentelede saamstaan om 'n verskil na buite te maak - wat ook aansluit by een van ons jaartemas vanjaar - Vir Ander.  Verlede jaar het ons bykans N$1 miljoen ingesamel vir projekte wat kinders, opvoeding, voedsel, gesondheid en ander sosiale kwessies aanspreek.  Die fondse word hoofsaaklik deur Imago Dei, 'n nie-winsgewende organisasie wat die brug tussen die gemeenskappe van nood en hulp vorm, bestuur.

Vanjaar leef ons weer eens ons missionele hart uit en hoop om 'n verskil in ander se lewens te bring met ons fondse, tyd en hulpbronne. Hierdie naweek word verder ingekleur deur die besoek van Lindie Strydom van Geloof, Hoop en Liefde op Kyknet as gasspreker.  Sy gaan op 8 April vanaf 09:00 - 12:00 die spreker wees by 'n Vroue-geleentheid om vroue juis te inspireer om die Pad na God se Hart te vind en nie net vir jouself te leef nie, maar vir ander.  Hierdie geleentheid kos slegs N$100 pp wat ligte verversings insluit.  Kaartjies is by NG-Eros beskikbaar vanaf 1 Februarie.  Alle dames is welkom!

Lindie gaan ook tydens die erediens van 9 April om 09:00 met ons deel hoe ons meer missioneel kan wees.

Bydraes tot die Oesfees insameling kan van nou af tot en met einde April gemaak word.  Kontak gerus die NG-Eros Kerkkantoor by 226157 of Hierdie e-posadres word van Spambotte beskerm. Jy moet JavaScript ontsper om dit te lees.

 

 

 

Woensdag, 11 Januarie 2017 09:53

Fokus Week

Written by

Is jy bekommerd oor jou finansies?  Lyk die jaar vorentoe vir jou deurmekaar en vol slaggate?  Voel jy ver weg van die Here af met al die verpligtinge en druk programme?  Ons roep jou om weer jou geroepenheid in Christus te herontdek en jou jaar met rigting en energie aan te pak.  

Fokus Week van 16-19 Januarie 2017 elke aand om 18:00 in die kerkgebou by NG-Eros.

Enige iemand en almal welkom!

Woensdag, 11 Januarie 2017 09:40

Huwelikskursus Februarie

Geskryf deur

Alle voornemende huwelikspaartjies wat beplan om voor September vanjaar in die huwelik te tree, word uitgenooi om Ds Johann Serfontein se voorbereidingskursus by te woon.  Die huwelik is 'n jarelange belegging en verbintenis wat tussen twee mense gemaak word, en dit is daarom so belangrik om dit op die regte fondasie te bou.  Hierdie kursus van 5 sessies gee julle die geleentheid om moontlike struikelblokke uit die weg te ruim en mekaar sommer beter te leer ken ook en die beste uit mekaar te haal in die huwelik!

DATUMS:  Woensdae 1, 8, 15, 22 Februarie en 1 Maart 2017

PLEK:  NG-Eros Konferensie-lokaal

AANBIEDER:  Ds Johann Serfontein

KOSTE:  N$500 per paar vir die hele kursus

NAVRAE en BESPREKINGS: Hierdie e-posadres word van Spambotte beskerm. Jy moet JavaScript ontsper om dit te lees. of Tel. 061-226157.

Bladsy 1 van 15

Groei

Materiaal vir groei & Bybelstudie

Lees meer

Gemeenskap

Reik uit na die gemeenskap

Lees meer

Koinonia

Interaksie tussen gemeentelede

Lees meer

Kalender

Bly op hoogte van al ons gebeure

Lees meer